Page 4 - HOH
P. 4
Diahuebs, 20 Februari 2025 AWEMainta LOCAL 5
Solo cu guia medico y receta legal
Uzo di ozempic y otro remedinan similar
receta medico di un dokter registra na Aruba. Paso e ta un remedi
e por tin consecuencia pa bo salud si no ta uza esaki bou guia di
un dokter. Tambe ta importante pa nota cu remedi no obteni via e
forma legal na un botica su calidad no ta garantisa y por ta peli-
groso.
E ley di remedi (AB 1990 No. GT9) ta prohibi importacion, benta
y distribucion di remedi di forma ilegal. Pa e infraccion aki por tin
castigo penal.
Pa lesa mas di e ley di remedi por bishita nos website
https://cuatro.sim-cdn.nl/iva/uploads/landsverordening-op-de-
geneesmiddelenvoorziening-ab-1990-gt9.pdf?cb=cugUEGXN
OZEMPIC y remedinan manera esaki (e.o. Saxenda, Wegovy,
Rybelsus, Semaglutide, etc.) ta remedinan cu mester guia medico.
Pa e motibo aki unico forma cu por haya e remedinan aki ta cu un
Aruba ta sigui perde
compositornan di gran renombre
LOKE mayoria hende tabata sa, a sosode diamars mey anochi, ora cu
a drenta noticia cu e gran musico Chicho Kock a perde su lucha contra
cancer y a fayece.
Den bida tin hende cu ta fayece y a pesar cu esaki a ser anticipa caba
sigur manera den e caso di Chicho, toch ora cu e momento final aki yega,
e ta drenta como un shock formal. Sin duda tin cu bisa cu no tabatin
miho scenario pa Chicho a despedi di e mundo aki, cu ta memey di e
fiesta di Carnaval, un evento cu e tabata parti grandi di dje, y semper a
duna su aporte como musico.
No solamente den festival di tumba Chicho a marca historia pero
tambe el a forma parti musical esencial den loke tabata conoci como
‘calypso and roadmarch” tocando dilanti un asistencia masal den Lago
Sportpark antes. El a participa den cantidad di parada, el a yuda varios
cancion y tambe el a participa den varios actividad cultural riba e isla
y su amabilidad semper a keda demostra y te na final di su bida, el a
actua manera un persona cu bon manera, humilde y sincero cual a
converti su persona den un figura artistico masha stima.
Chicho tin un evento mas grandi pa presenta, cu lo ta dia di su entiero
y ta di spera cu pueblo lo brind’e e reconocimento cu e merece. Aruba
a perde otro di su gran musiconan, musiconan cu a haci carnaval y
cultura di e isla aki hopi grandi mes.
Cu Chicho Kock sosega na paz!
