Page 4 - AM221220

4 LOCAL AWEMainta
Mr Oomen na Hues
Tereno cu Damira a haya no
tabata parti di Afescheidsbeleid
urante e siman cu defensa a hiba palabra den
D caso Avestrus, abogado mr. Oomen, kende
a representa acusadonan Ninosca y Gaby Wer-
leman, a bisa Corte cu den e dossier Damira no
por papia pa nada di un Afscheidsbeleid” pa loke
ta e tereno otorga. E dos acusadonan aki tabata
miembronan di directiva di e empresa Damira. Fis-
cal a exigi pa ambos acusado 2 aña di prizon ki-
tando e tempo cu nan tabata cera, cada un mes-
ter haya boet di 25 mil florin. Nan dos hunto lo
a haya casi 2 miyon dollar pa e accionnan bendi
den e compania Damira cu a haya un tereno na
Eagle Beach.
El a splica cu e tereno erfpacht a wordo otorga na Damira Real Estate &
Construction N.V. (Damira), hopi tempo prome cu cambio di Gobierno, despues
di dos aña di preparacion y despues cu, ministerio publico ta bisa esaki tambe –
cu a cumpli cu tur e condicionnan.
Inclusive, e gobierno cu a sigui no a pidi pa declara e acuerdo di erfpacht nulo.
Pero tambe ta un hecho cu Damira ta existi ainda, tin e terenonan cu ta papia
den corte riba dje, y mientrastanto a haya su permiso di construccion pa por
ehecuta e proyecto riba e terenonan cu a pidi.
Diamars, 20 December 2022
El a recorda cu den e temporada di 2009 pa 2015
no solamente Aruba pero henter regio tabata
practicamente financieramente tabata na suela
debi na e crisis financiero mundial cu a surgi na
2009. Turismo a cay y e economia a collapse. El
a splica cu pa pusha e economia, Gobierno a haci
un apelacion na inversionistanan local pa bini cu
proyectonan. Abath di DIP ta confirma den su
declaracion cu esey tabata e maneho di e tempo
ey.
Den e situacion aki Gobierno a pidi pa pushamas
cu terenonan comercial, hustamente door di
e situacion financiero malo. Gobierno y sector
publico a cuminsa traha na proyectonan, p’asina
sector priva por tuma esaki over despues. Meta di
esaki tabata pa e economia y sector di construc-
cion keda den movecion. Gobierno tabata encu-
rasha pa desaroya proyectonan riba terenonan
comercial y tambe pa sector turistico.
Awe hopi aña despues, mr. Oomen a splica, hopi
hende facilmente ta lubida, den ki tempo Aruba
a pasa e añanan ey. Esaki ta exigi extra cautela
cu denuncianan penal cu ta inspira politicamente
y mas ainda si eseynan a bini for di politiconan
activo, di cual un di nan actualmente ta minister
di husticia. “Tur esaki ta circunstancianan pa cual
nos no mester hinca nos cabes den santo pa nan.”
No admisibel
E abogado a bisa Corte tambe cu un di e puntonan
remarcabel den e caso aki ta cu di e cinco accioni-
stanan di Damira solamente dos a wordo persigui,
kendenan ta conoci di ta simpatisante di partido
AVP. E accionista Norman Henriquez, kende a
declara cu e y su famia ta MEPistanan ferviente.
Cu nan no a haci nada, y cu a gana casi mey miyon
dollar cu benta di e accionnan, y no ta persigui
nan. E tambe tabatin e autoridad di representa
e compania Damira. Y esey ta conta tambe pa e
accionista Osorio, cu a haya mas cu 100 mil florin
pa su sharenan den Damira. Di niun di nan dos tin
un dossier den caso Avestruz y no a haya informa-
cion cu nan lo wordo persigui.
“Con bo ta bende e situacion aki na esnan cu si
a wordo persigui den un caso, cu con cu bo bir’e,
politica partidario a hunga un rol grandi. Mi clien-
tenan ta wordo acusa di a haya un trato privi-
legia for di minister Sevinger. Pero sres. Henriquez
y Osorio ta parce di a haya un trato preferen-
cial for di Ministerio Publico. Si bo ta cera uno si
den aresto preventivo y persiguie y pa e otro pa e
mesun hechonan no ta mishi cu nan. No mester
straña bo cu e hendenan den e comunidad dividi
aki ta cuminsa grita cu personanan di cierto color
politico so ta wordo persigui.”
Pa finalisa e punto aki, e a bisa cu debi na falta
di un splicacion debido, mester declara OM no
admisibel den su percusion contra sra. Nuñez y
sr. Werleman.”