Page 8 - DIARIO 31 AUGUSTUS 2021 COMPLETO.indd

PAGINA 8 DIARIO DIAMARS 31 AUGUSTUS 2021
Bao alegria y emocion e teamnan

U14 y U15 a yega Aruba dialuna

ORANJESTAD (AAN) – Cu spuit di awa riba e avion di
parti di Brandweer y bao grito di emocion y alegria gritando
“Aruba Ariba” y cantando e himno di Aruba, e hobennan di
tanto e team Seleccion Girls U14 y Seleccion Boys U15 a
wordo ricibi pa famianan na aeropuerto dialuna merdia.
Manera ta conoci e team di mucha muher pa U14 di
futbol a bira campeon Diadomingo atardi na Santo Domingo
caminda nan a participa den e CFU Challenge. Y e team di
mucha homber U15 a keda sub-campeon den e mesun torneo
aki den categoria mucha homber.
Na aeropuerto tabata tin un aglomeracion grandi di
famia y conocirnan cu a bay ricibi e hobennan aki y felicita
nan pa e bon trabao cu nan a desplega na Santo Domingo.
Pa awetardi nan lo tin un evento special caminda Prome
Minister Evelyn Wever Croes lo duna un reconocimiento na e
campeonnan na Bestuurskantoor.
Y awenochi lo tin un celebracion pa e campeonnan
aki den Drive Inn Theatre organiza pa AVB.