Page 27 - AWEMAINTA

AWEMainta Diamars, 25 Juli 2017 27

Un branding international pa Aruba.

Atletanan di Brazil

Taekwondo Stichting a

bolbe Aruba for di Sur

Korea cu 4 medaya

DESPUES di a permanece pa mas cu un luna den
exterior, dialuna atardi e atletanan di Brazil Tae-
kwondo Stichting a yega bek na nan isla natal. Na
Aeropuerto e delegacion a wordo ricibi pa Presidente
di St. Fundacion Lotto pa Deporte, sr. Di Stefano
Wernet RA, kende tabatin palabranan elocuente p’e
forma con Brazil Taekwondo y sr. Alberto Klaber ta
representa Aruba den exterior.

“Ministro di Deporte dr. Alex Schwengle & Directiva
di Lotto ta masha contento & orguyoso di e forma
cu Brazil Taekwondo ta bin ta trahando p’e deporte
di taekwondo specialmente pa su organisacion y e
atletanan.
Sr. Klaber ta un hende transparente cu ta duna re-
lato con e subsidio ricibi a wordu gasta y ta habri pa
dialoga ora mester bay representa Aruba den exterior.
E club Brazil Stichting ta un ehempel pa otronan.
Nan mes hopi biaha ta recauda fondo sea ta carwash,
bbq, ect p’asina yega n’e fondonan nesecario pa re-
alisa nan meta.
Manera JFK semper a bisa no puntrami kico mi pais
por haci pami, pero kico ami por haci pami pais”, sr.
Wernet a conclui.

Luna pasa e 4 atletanan di Brazil Taekwondo Sticht-
ing, Jourdé Klaber, Joshua Klaber, Záyhon Klaber y
Danon Delamore a biaha pa Sur Korea unda nan a
competi den e Open di Korea.
E campeonato di Korea tabata un G2 unda bringa-
dornan di taya y prospectonan grandi di cada pais
rond mundo a participa n’e torneo aki.
Tambe e atletanan di Aruba a atende un campo di
entrenamento cu tabata bou encargo di e ex-campeon
mundial di taekwondo y actual entrenador Henk
Meijer cu den pasado semper a bishita Aruba.

Durante di e campeonato di G2 na Korea e propio
Henk Meijer a guia e 4 atletanan di Aruba den e
diferente combatenan. Mester bisa cu nos muchanan
a presta den tremendo forma unda e resultado ta pa-
pia pa su mes. Tur 4 atleta a regresa cu premio unda
Jourde Klaber a gana medaya Oro, Zahyon Klaber a
gana medaya di Oro, Joshua Klaber a gana medaya
di Plata, Danon Delamore a gana medaya di Bronz.

Un pabien grandi sigur na Brazil Taekwondo Sticht-
ing cu e resultado satisfactorio na Sur Korea.