Page 32 - AWEMAINTA

32 AWEMainta Diamars, 25 Juli 2017

Bingo di POR cu full house total y tremendo ambiente

Sosten pa E Forsa Nobo creciendo mas dia pa dia

DIADOMINGO a tuma luga e gran “Bingo
Fundraising Event” di Plataforma Politico Pueblo
Orguyoso y Respeta (POR), den Club Caiquetio. Cu
un full house total y un tremendo ambiente esnan
presente por a gosa di un anochi cu e team di POR.

Faltando un poco menos cu 2 luna pa eleccion 2017,
por mira cu e cantidad di actividadnan politico a
cuminsa aumenta. Tur siman ta mira candidatonan
di E Forsa Nobo Pueblo Orguyoso y Respeta (POR)
tur rond Aruba treciendo e bon mensahe cu POR tin
pa henter pueblo di Aruba pa e proximo gobernacion.
Memey di e diferente bishitanan di cas y encuen-
tronan cu diferente grupo, a dicidi di organisa un
bingo den forma di un recaudacion di fondo, unda cu
famianan, amistadnan, sostenedornan y fanaticonan
di bingo por a reuni y disfruta den bon ambiente.
Encuentronan manera cu a tuma luga diadomingo ta
refleha e union y positivismo cu tin den E Forsa Nobo.

E team di POR casi na final di e anochi a subi riba
stage hunto pa gradici e sosten masal na E Forsa
Nobo. A probecha presencia di un gran multitud pa
lansa jingle di POR cual a a wordo bon ricibi.
Henter team di POR kier duna danki na cada un
persona cu a duna nan contribuicion den un forma of
otro. POR lo sigui cu e trabou duro di hiba e vision di
POR p’e proximo gobernacion cerca cada ciudadano.