Page 15 - IVA

A14 LOCAL
Diabierna 8 December 2017
Pronostico di tempo

Tempo: Biento: Situacion general di Condicion di lama:
Parcialmente nubia cu chens Modera te basta fuerte for di tempo: Olanan di lama lo ta for di
chikito pa un awasero generalmente direccion oost; Humedad den nivel mas direccion oost cu haltura di 5
pasahero. forsa 4 te 5 (20 te 39 km/ora, abou ta menos y p’esey e te 7 pia;
Temperatura maximo 32 11 te 21 nudo) chens pa awasero lo ta menos Localmente e por yega te 8
grado Celsius y temperatura Den dia posiblemente fuerte riba diabierna. E biento ta pia na costa noordwest di e
minimo 28 grado Celsius. te duro den rafaga; mengua un poco pa via cu e isla.
Solo lo baha awe nochi 06:14 forsa 6 te 7 (40 te 50 km/ora, area di presion halto riba
pm y lo sali mañan mainta 22 te 27 nudo) Atlantico ta moviendo den
06:50 am. direccion noord oost.

Uza taser contra persona cu problema mental

ORANJESTAD - Minister di Husticia Andin Bikker
(POR) a bisa den cuadro di un reunion cu sindicato
di polis SPA, cu mester ekipa e polis miho pa anda cu
personanan cu problema mental. E te referi entre otro
na un taser.
E minister ta bisa cu n a Hulanda tin un proyecto piloto
andando pa evalua con por yuda cu mas ekipo manera e taser.
“Si un polis topa cu un pashent cu problema mental por yuda
calma e pashent uzando un taser enbes di saca un arma.”
Minister Bikker ta sigui bisa cu for di colega minister di Salud
por a compronde cu ta un number ‘basta preocupante riba nos
isla cu a detecta cu tin problema mental’. “Debi na e cifra aki
hopi biaha e polis cu ta traha den field ta haya su mes ta deal
cu famia cu ta pidi ayudo pasobra un miembro di famia cu
problema mental ta bira agresivo riba nan.”
Siman pasa tabatin un incidente unda un persona cu problema
mental a bira agresivo cu un miembro di cuerpo policial te cu
mester a uza arma. Anto na juli polis Tino Ruiz a muri ora
un pashent cu problema mental a dal e mata cu un bloki. Pa
motibo di e incidente diaranson siman pasa, e minister ta bisa
cu el a sinta urgentemente cu e sindicato di polis, ‘pa asina
duna atencion pa yuda preveni e tipo di incidentenan aki’.
“Un di nan ta ekipa miembronan di cuerpo policial bon, cu
nan por eherce nan trabao, manera taser, vestnan anti bala y
ekiponan den nan auto. Ora un polis bay na un adres ya caba
nan tin acceso for di un database y e polis sa cu na e adres ey ta
biba un persona cu tin problema di enfermedad mental. Cu e
ekipo aki e polis por ta prepara y por haya historia caba kende
ta biba na e adres”, e ta menciona. E parti di e database ta algo
cu ya polis ta traha duro riba dje, asina alto comisario Dolfi
Richardson a splica Bon Dia Aruba den un entrevista.
Minister Bikker ta haya cu mester bin cu entre otro e taser.
Den e proximo encuentro cu lo tuma luga na Hulanda na
januari unda e minister Bikker lo ta presente pa reuni cu
coleganan minister di Husticia di e otro paisnan den Reino, e
lo trece esaki dilanti. Un di e puntonan di agenda ta, pa pidi
cooperacion di tur proyecto pilot cu tin na Hulanda, y asina e
minister lo haci esaki pa loke ta trata uzo di taser ‘pa asina no
inventa e wiel full di nobo’.
Un otro preocupacion cual sindicato SPA a trece dilanti ta
cu e schietkalender practicamente no ta existi. Esaki pasobra
no tin suficiente municion esta bala pa e miembro di cuerpo
policial por train constantemente pa siña miho con pa trata
cu arma. E minister ta contesta cu lo bay traha riba esaki.
“Den su totalidad por a detecta cu tin hopi falta di material,
uniformnan cu ta bieu, diferente aspecto di e autonan”, segun
sr. Bikker.
Manera nos a trece un par di simannan pasa dilanti den un
entrevista publica cu alto comisario Richardson, un di e
problema mas grandi tambe ta falta di personal.

www.alfiesinaruba.com - facebook.com/alfiesinaruba
BAR - LIVE MUSIC - BURGERS - POUTINE
LIVE MUSIC EVERY FRIDAY NIGHT!
LIVE MUSIC EVERY FRIDAY NIGHT!
TONIGHT: EARPLUGS @ 11:30PM
TONIGHT: EARPLUGS @ 11:30PM
Dominicanessenstraat 10 - Tel: 569-5815