Page 5 - AM211015
P. 5
Diabierna, 15 October 2021 AWEMainta.com 5
Jeanique de Palm a sali pa Bolivia pa
representa Aruba na Reina Hispano Americana 2021
Diahuebs 14 di october 2021 Aruba
su representante n’e certamen
internacional Reina Hispano
Americana 2021, Jeanique de
Palm, di 28 aña di edad a sali
rumbo pa Bolivia pa representa
Aruba.
Despues cu na januari di e aña
aki, Comision Reina Hispano
Americana Aruba, bou direccion
di Endy Croes a apunta Jeanique
como Aruba su representante.
Jeanique de Palm a cuminsa
move y prepara di biaha. Un
preparacion extenso bou guia di
diferente profesional na Aruba a
concentra riba Public Speaking,
Personal Branding, Pasarela, Les
di Makeup y Cabey y training
fisico.
Diahuebs Jeanique a sinti su mes
hopi sigur di e trabou cu e lo bay
desplega na Bolivia.
E certamen cu e aña aki ta
celebrando nan di 30 edicion,
ta conta cu 33 candidata for di
diferente parti di mundo.
Den e programa di e certamen
a inclui bishita na 4 ciudad di
Bolivia, unda cu e candidatanan
lo biaha den Bolivia mes pa atende
diferente actividad publico y
comercial. E anochi final lo ta dia
30 di october, 2021 pa 10’or di
anochi.
Nos ta desea Jeanique hopi éxito
y lo sigui su pasonan di serca!
