Page 10 - AM211015

10 AWEMainta .com Diabierna, 15 October 2021

Famia Wernet tabata VIP dia di inicio di

Siman di Kibra Silencio di Quota

Quota International of Aruba a inicia su “Siman di Kibra

Silencio” y manera ta customber ta invita un persona como nan
VIP pa haci e prome test. E aña aki Quota tabatin e honor cu

mayornan y ruman di un mucha cu tin un “Cochlear Implant”

a acepta pa ta nan VIP(nan) Famia Wernet. E tata y e mama
a laga pone un tattoo di e Cochlear Implant pa ta solidario cu

nan yui. Algo hopi bunita .

Na Fundacion pa Esnan cu Problema di Oido (FEPO) e test

nan a wordo haci. Presidente di Quota, sra Farida Feliciana-
Figaroa, a gradici e mayornan pa a acepta Quota su invitacion

y tambe cu ta admirabel con e famia ta apoya e mucha den su
desaroyo.

Sra Kristel van Nes, FEPO, a duna un splicacion cortico kico ta
nifica e “Cochlear Implant “ y cu na Aruba desde aña 2012 cu

a haci e prome operacion awor tin mas of menos 30 persona

cu tin un Cochlear Implant. Esaki ta mucha y adulto.

Sr. Jeanberto Wernet a splica cu nan yiu a haya meningitis

(hersenvliesontsteking) ora e tabatin 1 aña y a causa daño na
su oido. Hobencito Jeanwin Wernet tambe a bisa algo y tabata,

p’e miembronan di Quota presente, hopi impresionante wak
con e hobencito aki por comunica.

Miembro di Quota Mariela Nava-Figaroa a hasi entrega di
un certificado cortesia di Matthew’s Restaurant n’e famia y

e dos yiunan a ricibi un di Quota su “Care Bear” nan. Quota
International of Aruba ta gradici The Specialists y Fundacion pa

Esnan Cu Problema di Oido un biaha mas pa nan cooperacion

pa cu por a ofrece n’e pueblo di Aruba e oportunidad pa haci
test di oido gratis.

Si bo persona ta interesa pa hasi test por yama na: The
Specialists 290-2020, na FEPO: 583-1016.