Page 9 - AM211015

Diabierna, 15 October 2021 AWEMainta.com 9

Post Aruba a emiti su prome

stampia pa 2021” Fofoti”

Dia 14 di october 2021, Post Aruba N.V. a
emiti su prome stampia pa 2021 den formato
di un souvenir vel. E emision aki a wordo
yama “Fofoti” y a wordo diseña pa Armando
Goedgedrag.

Fofoti ta un mangel di e genero Combretaceae.
E specie aki a crece den regionnan tropical

y subtropical rond di mundo. E ta berde
durante henter aña y ta crece den interior di
un pais den tera firme, pero serca di awa salo.
Na ingles e ta wordo yama “Buttonwood”
dor di e forma di su fruta, cu ta bruin y rondo

manera un boton.

Un di e fofotinan mas popular riba Aruba

ta situa na Eagle Beach. E bunita bista di e
lugar aki ta haci’e uno popular y ta wordo
uza hopi pa turista cu ta saca potret durante
bahada di solo.

E forma particular di e Fofoti ta bin
principalmente door di e biento constante
cu ta supla di oost pa west.

E mata aki ta brinda un bunita paisahe na
nos beachnan. Por hay’e na mayoria parti di
Aruba, pero e ta wordo mira mas tanto den
areanan di Malmok, Eagle Beach, Linear

Park y Baby Beach. Tambe por haya nan
serca di mayoria rooi manera Rooi Prikichi,
Rooi Canashito y na e Rooi na Sero Cristal.

Fofoti, mescos cu e otro mangelnan, ta
wordo protegi pa ley.

E souvenir vel aki tin un balor di Awg.8,50 y

ta obtenibel na e oficinanan di Post Aruba,
respectivamente na Oranjestad y San
Nicolas.

E bunita serie aki no por falta den bo
coleccion. Busca esun di bo awe mes, ya cu
e cantidad ta limita.

Pa mas informacion tocante e stampia”
Fofoti” por bishita e pagina di Facebook
Aruba Stamps of website: postaruba.com/

philatelic/