Page 18 - MIN ON

Pa 100% di e muchanan logra nan examen cu exito ta un
combinacion di maestronan y mayornan

Friday, 16 June 2017 20:27
Comparti

Sue-Ann Ras ta coordinador di klas 4 di Filomena College MAVO y e tin un bon noticia pa loke ta e
muchanan cu a pasa examen.

Diaranson despues cu a haya tur e resultadonan aden caminda cu e comision di docente a sinta, a logra
yega na 86%, cual ta 54 alumno di e 63 alumnonan cu a slaag, cual pa nan ta e meta di mas grandi cu a
traha cun’e, pasobra cu na momento cu a cuminsa, 90% ta bay p’e. Ta hopi contento mes cu e 86%.
Ki chens

E otronan tin chens. Tin tres alumno sigur cu lo ta bay purba di un her examen pa wak si berdad ta bay
yega e 90%, cu e tresnan aki.

100%

Pa haya un 100%, ta un combinacion di scol y mayornan. Con cu bay bin, e parti di comunidad tambe ta
hunga un rol. Ras ta gradici Rotaract cu a yuda cu algun proyecto pa dos aña caba. Nan ta bin cu e
muchanan aki y a traha full un programa di motivacion. Ta un parti hopi importante con ta motiva e
muchanan.
A hinca un programa den otro cu nan ta bin un biaha pa trimester y ta sinta cu nan, wak kico ta e
dificultadnan cu tin, yuda nan traha un programa di estudio cu ta mas realisabel pa cada un. E parti di
motivacion ta importante. Pasobra nos muchanan tin hopi potencial y capacidad. E parti di motivacion ta
un rol hopi importante cu tin biaha nos ta lubida.
Reaccion

For di momento cu nan a drenta y e docentenan a sali for di oficina, di berdad e felicidad ta asina grandi
cu tabata dificil pa describi. Nan tabata den tension y a saca e 86% tabata un alegria completo. Tur a
cuminsa cu e meta pa purba yega 90%. E mision ta 100%, pero ta bay traha pa un 90%. A yega 86%, tin
añanan largo cu no a yega esey. Tin cu bisa cu sigur pa un scol grandi, aunke edificio ta bieu, pero ta sigui
traha cun’e, por mira cu e motivacion di cada un di e docentenan, pero tambe e scol completo, e team
completo cu ta carga e muchanan.

E rol pa guia
Tin un rol pa guia e muchanan como docente. A traha hopi cu e docentenan di examen. Nan tin un
groupchat, cu manera cu algo no ta bay bon, nan ta pone otro na altura. Mayornan tambe ta interactua. E
parti di ta envolvi ta importante. Tin cu keda core tras di e muchanan. Por tin cu bisa cu e ta bale la pena,
pasobra bo ta mira awor aki, ora cu saca e resultadonan, e muchanan mes ta reacciona positivamente.
Mester keda consistente. Pesey ta percura pa bisa hopi e aña aki pa ta mas consistente cu e muchanan