Page 22 - MIN ON

“No ta algo comun, pero si algo cu mi a haci cu un sentido di hopi satisfaccion. Mi kier a
felicita directiva di e scol aki cu a brinda e oportunidad aki n’e muchanan.

Di e forma aki nan por tende y siña kico t’e profesionnan cu tin na Aruba. Nan ta n’e
punto pa scoge nan pakete pa haci examen aden otro aña. Esaki ta algo cu ta destina nan
desaroyo profesional den e siguiente fase di nan bida.”

Minister Arends a bisa cu para dilanti e klas di hobennan el a splica kico su trabou como
Minister di Economia ta ensera, pero tambe e oportunidadnan cu tin eyfo pa cada un di
nan. “Loke cu mi a pone enfasis riba dje ta cua t’e oportunidadnan cu nos como dirigente
ta brinda nan pa nan futuro.

Gobierno ta haci distincion den 4 top sector cu ta: Tecnologia limpi, industria creativo,
exportacion di conocemento y logistica.

E presentacion aki ta pa inspira nan den haci nan escogencianan, pero tambe duna nan un
tipo di seguransa cu Gobierno di Aruba, Gabinete Mike Eman, ta pensa riba nan futuro.

Ta pensa riba e oportunidadnan cu por tin, no solamente den e sector laboral, pero tambe
e desaroyo profesional y intelectual di e studiantenan aki.”

Minister Arends a keda satisfecho cu e acogida ricibi tanto dor di tanto scol como di e
studiantenan cu a mustra nan interes p’e topico aki.

http://awemainta.com/minister-arends-despues-di-charla-na-studiantenan-di-scol-secundario-e-
presentacion-aki-ta-pa-brinda-e-hobennan-oportunidad-con-haci-nan-escogencia-pa-futuro/

Colegio Arubano Ta Informa Tocante Examen Final

 Local
- 16/06/2017

Na tur scol di enseñansa avansa espectativanan ta halto ora 15 di juni ta yegando, pasobra
e dia ey lo anuncia e resultadonan di e examen final. Asina tabata diahuebs 15 di juni e
situacion tambe na Colegio Arubano, cual ta e scol di mas grandi di Aruba.

E “bahamento di Lista” mas o menos 16:00pm tabata un evenemento masha special:
masha hopi alumno hunto cu nan mayornan den un ambiente festivo.