Page 19 - MIN ON

mas hopi posibel y disciplina. Nan tin cu sinti cu ta worry cu nan y kere den nan completamente. Semper
Ras ta bisa cu e ta kere den e alumno y hobennan. Si duna nan e hermentnan, e ora tambe e sosten y e
push cu nan ta pidi pe, nan ta logra cosnan grandi.

Edad dificil
Ta yega un momento cu nan ta bira conciente cu berdad estudio of enseñansa ta e futuro. Esey ta loke ta
e rol di e docentenan. Ta keda bisa nan esey. Den e lesnan di awendia ta bisa di 45 minuut, hopi biaha e
prome 5 pa 10 minuut, ta bay den combersacion, intercambio, etc. E ta como docente, tin un peso hopi
mas pisa awor aki pa duna na motibacion pa nan por sigui. Pero semper keda cu e pasion y pasenshi pa
por pensa despues, no riba termino cortico, pero riba termino largo, lo logra. E muchanan na
cuminsamento, nan ta bisa cu e juffrouw ta fastioso. Awor aki nan ta pensa diferente. E alegria cu por
mira e muchanan awe, ta e satisfaccion cu un docente por tin.

http://www.24ora.com/index.php?option=com_content&view=article&id=123059:pa-100-di-e-
muchanan-logra-nan-examen-cu-exito-ta-un-combinacion-di-maestronan-y-mayornan-
&catid=1:local&Itemid=5

Minister di Enseñansa y Famia, Michelle Hooyboer-
Winklaar: Nochi di informacion pa studiantenan cu ta bay

Hulanda

Friday, 16 June 2017 20:51
Comparti

Dia 20 di Juni proximo Minister di Enseñansa conhuntamente cu Departamento di Enseñansa ta organisa
un anochi di informacion pa studiantenan cu e aña aki ta bay studia Hulanda. E anochi lo tin un caracter
di intercambio, unda cu banda di duna informacion practico tocante bay biba y studia na Hulanda, a
scoge pa haya sa expectativa y preguntanan cu e studiante tin pa e paso grandi cu nan ta tuma den nan
bida.

A tene un encuesta chikito bou di e hobennan tratando varios aspecto cu e studiantenan lo topa cun’e
den nan bida independiente den futuro, manera maneho di tempo pa cu nan estudio, maneho
financiero, peer pressure, custumber diferente etc. E anochi duna inicio na enfoca mas ainda riba duna
e studiantenan na Hulanda herment den su desaroyo social, emocional y personal pa asina por enfrenta
diferente situacion na manera fructifero y exitoso. Algo cu e hoben por aplica den su carera academico y
otro areanan di su bida personal. Pa prome biaha na Aruba y presente durante e anochi aki lo ta
Eldrion Regina, cu lo motiva e studiantenan pa tin un focus diferente den bida, pa acerca obstaculo den
bida en busca di un solucion. Eldrion Regina y Fundacion 1 Focus Diferente a presenta na hopi hoben
tanto na Corsou, Boneiro y Hulanda cu acogida enorme bou di hoben. Su “motivational videos” riba
rednan social ta hopi gusta y tin un mensahe clave. Ta invita tur studiante cu ainda no a registra pa
haci esaki sin falta. Por haya e enlace pa registra riba website y Facebook di Departamento di Enseñansa