Page 3 - AM231103

Diabierna, 3 November 2023 AWEMainta
Habrimento di frontera cu Venezuela
no a produci fruta mas barata
tan spera alivio pa loke ta prijs di fruta y berdura pa
E pueblo di Aruba, na momento cu a habri frontera cu
Venezuela algun luna atras, no a yega nunca ya cu no ta
mira mucho diferencia den e productonan aki.
Es mas, ta un hecho cu e cantidad di fruta y berdura cu ta
drenta Aruba via di barconan procedente di Venezuela, no
ta asina grandi compara cu loke tur dia ta drenta na e isla di
Corsou, cu si ta sacando probecho di e habrimento di fron-
tera maritimo.
Pa siman ta drenta dos pa tres barco cu fruta y berdura for
di Venezuela pero ora cu analisa prijs di e productonan, no
ta mira mucho diferencia ya cu varios negoshi, supermer-
cado y otro tiendanan, a sigui mantene e mesun prijs cu nan
tabata bende e productonan aki.
Al contrario tin keho constante di consumidonan cu ta
mustra cu e situacion no a cambia y cu nan ta pagando
mesun placa pa e mercancianan aki, mientras cu den algun
negoshi, esaki a bira hasta mas caro.
E falta di control aki ta pone cu e consumido no ta haya alivio
di e situacion cu tin desde cu a cera frontera cu Venezuela y
LOCAL 3
a yega e momento pa gobierno cuminsa duna mas atencion
na e tipo di desaroyonan aki, ya cu pueblo merece di haya un
tiki espacio financiero cu e proceso aki.
E mesun situacion aki a sosode den pasado na momento
cu gobierno a dicidi di alivia e presion financiero pa pueblo
haya un tiki mas espacio financiero, ora cu a reduci e 3% di
BBO na 1.5% pero a bin resulta cu comerciantenan nunca
a reduci nan prijs cu 1.5%, loke a nifica cu no ta pueblo a
wordo alivia pero ta comerciantenan a bira mas rico cu e
medida aki.
E presion financiero ta keda grandi pa miles di cas aki na
Aruba, ya cu e lucha tur luna pa paga recibo di awa y cori-
ente, tambe ta sigui percura cu pueblo tin cu conta tur florin,
tur 25 cen pa asina por mantene cabes riba awa.
Gobierno tempo cu a aumenta prijs di awa y coriente, a
sigura pueblo cu e aumento aki lo ta temporal pero esaki
no a bira realidad y a pesar cu entre otro Minister di Energia
Glenbert Croes a sigura pueblo cu lo busca un solucion pa
reduci prijs di awa y coriente, e vision di e mandatario ta
algo cu lo no sosode proximamente.