Page 6 - HOH

2 LOCAL AWEMainta
Ministerio Publico ta exigi castigo firme den caso penal ‘Tulipan’
MINISTERIO Publico a exigi ayera den e caso penal ‘Tulipan’
un castigo incondicional di prizon di 2 aña contra e sospechoso
G.F.B., ex-ministerio plenipotenciario di Arubahuis na Hulanda.
B. ta wordo acusa di a comete malversacion di fondonan
publico y abuso di su funcion durante e periodo di 2017-2022
na Arubahuis. Adicionalmente, Ministerio Publico a presenta un
demanda di decomiso (ontnemingsvordering) contra B. pa un
suma di casi Afl. 200.000.
Contra co-sospechoso G.Y.L., ex-director interino di Arubahuis,
Ministerio Publico a exigi un castigo di prizon di 12 luna di cual 6
luna ta condicional cu un tempo di prueba di 3 aña.
L. tambe ta wordo acusa di a participa den malversacion di
fondonan publico y abuso di su funcion durante e mes periodo
cu B.
E tabata responsabel pa finansa di Arubahuis, pero a keda sin
interveni, a pesar cu e tabata wak cu iregularidad tabata tuma
luga. For di e investigacion no a resulta cu L. mes lo a gosa di
bentahanan financiero. P’e motibo ey, Ministerio Publico no a
Recuperacion economico riba papel,
incertidumbre den supermercado
RIBA papel, e cosnan ta parce mas briyante: E relacion di debe di
Aruba ta baha, e deficit presupuestario ta baha y e economia ta
crece di nobo desde e aña dramatico di 2020. Segun cifranan di
Banco Central y institucionnan internacional manera IMF y S&P
Global Ratings, e relacion di debe a baha for di 115.7% di GDP
na 2020 pa 74.4% na 2024. Alabes, e GDP a crece cu 24.1% na
2021 y 8.5% na 2022, principalmente danki n’e recuperacion di
turismo.
Pero mientras cu e rapportnan di gobierno y e buletinnan finan-
ciero ta conta un storia, tin un sintimento completamente dife-
rente bou di e poblacion. Ken cu cana den San Nicolas of tene
un combersacion riba stupi na Oranjestad no ta tende alegria
tocante recuperacion macro-economico, sino preocupacionnan:
tocante comestibel cu ta bira mas caro, prijs di huur cu ta subi,
salario cu ta keda atras y hobennan cu no ta mira un futuro riba
e isla.
Dicon tin asina un gran diferencia entre cifranan y sintimento?
Na prome luga, recuperacion economico no ta dividi igualmente.
Turismo por ta atrae, pero e mayor parti di e entradanan ey ta
keda pega na hotelnan grandi, intermediarionan y inversionista
– hopi biaha no local. Hopi empresario chikito y empleado di
horeca ta sinti nan mes mas vulnerabel cu nunca. E debenan cu
a wordo acumula durante e pandemia ainda no a wordo paga, y
medidanan di sosten temporal a desparece.
Ademas, e confiansa den gobierno ta abou. E poblacion sa cu
Diasabra, 24 Mei 2025
presenta ningun demanda di decomiso contra dje.
E investigacion ‘Tulipan’, cu a cuminsa na 2023, ta dirigi riba
malversacion di fondonan publico di Pais Aruba na Arubahuis, cu
a wordo uza pa metanan personal di B. tempo e tabata minister
plenipotenciario.
B. lo a uza e fondonan publico aki pa (entre otro) renobacion y
ameublamento di un cas di huur na Hulanda, pa pagonan di reci-
bonan di Setar, pa servicionan di Setar na adres di tata di B. y pa
cantidad di comemento na restaurantnan na Hulanda y Aruba.
Ministerio Publico ta considera e actonan di e sospechosonan
B. y L. hopi grave. Ora un minister abusa di placa di belasting di
Pais Aruba pa enrikece su mes y un director keda keto, e cultura
di impunidad ta crece y e confiansa di ciudadanonan den gobi-
erno ta bin abao.
Hues lo dicta sentencia riba 13 di juni venidero, incluyendo e
ontnemingsvordering contra e ex-minister.
Aruba durante e crisis di COVID a contrae debenan pisa, entre
otro via Hulanda.
E debe nacional total a crece te casi AWG 5.76 biyon na 2023 y
hasta cu e bahada recien pa AWG 5.57 biyon na 2024, esaki pa
hopi ta keda un cifra abstracto cu ta bisa poco basta cu tin reduc-
cion di gasto den educacion, cuido y infrastructura. E idea ta bibo
cu “nos” ta reduci gasto, mientras cu “nan” – e politico, e elite, e
mundo di negoshi – ta logra proteha nan mes.
Adicionalmente, e interes riba e debe publico ta un carga silen-
cioso. Na 2022, 11.6% di tur entrada di gobierno a bay pa pago
di interes, un cifra cu ta baha bek na 9.9% solamente na 2025.
Esey ta nifica concretamente: menos placa pa inversionnan
publico, menos espacio pa alivio di carga, y pues mas presion
riba e ciudadano comun.
Y finalmente, tin algo fundamentalmente psicologico cu ta hunga
un rol: recuperacion ta wordo sinti solamente ora e ta tangibel.
Ora bo ta keda cu algo na fin di luna, si bo por plania pa futuro,
si e tempo di espera pa cuido ta bira mas cortico, si bo yiu por
sigui un estudio – esey ta recuperacion. No un grafico, sino un
sintimento.
E reto di Aruba: Restaura confiansa
E reto pa Aruba no ta solamente e saneamento di debe, sino
tambe e restauracion di confiansa. Basta cu e cifranan ta mehora
pero bida diario ta stagna, e gap entre gobierno y poblacion lo
sigui crece.
E economia por ta riba papel riba caminda pa recuperacion – e
pueblo ta leu for di esey ainda.