Page 18 - AM250129

18 FUN FACT AWEMainta Diaranson, 29 Januari 2025

Hunter, e baby modelo cu a conkista

campaña y a gana 45 mil dollar den un luna

CU solamente 6 luna, Hunter Gough a logra loke hopi adulto apenas ta
soña: acumula mas di 100 mil dollar den solamente mita aña danki na su
trabao como modelo infantil. Su mama, Paris Gough, kende tambe a traha

como modelo,a parti riba red social con su chikitin a cuminsa e carera
inespera aki cu a cambia e dinamica familiar.

Tur cos a cuminsa tempo cu Hunter tabatin apenas un luna y a participa

den un programa di television, ganando 7445 dollar. Luna tras di luna, e
oportunidadnan a bin ta crece. Na september Hunter a alcansa e record
mensual ora el a cobra casi 45 mil dollar danki na varios sesion fotografico
cu tematica di Halloween. Aunke na october e cosnan tabata mas trankil,

november y december a bolbe trece bon noticia, cu entrada di 14.890 y
23.500 dollar respectivamente.

A pesar di e impresionante cifranan aki, ni Hunter, ni su ruman Romeo,

di 1 aña, tin acceso n’e placa aki. Paris y su pareha a dicidi deposita riba

cuenta di spaar cu lo ta disponibel na nan ora
nan cumpli 18 aña. “Nos kier sigura cu e placa
aki sirbi nan pa futuro,” Paris a splica.

Famia Gough ta custuma cu camara. Paris a
traha pa marca grandi manera H&M y su yiu
homber mayor Saint, di 4 aña, tambe a drenta
den modelahe, aunke su carera a wordo

interumpi p’e pandemia. Inemargo, Paris ta
sigura cu e profesion aki no ta pa tur.

“No tur mucha ta sinti comodo dilanti camara

y esey ta bin,” el a bisa. “Si bo no ta sinti bon
cu e idea ey, no hacie cu bo yiu, pero tampoco
husga esunnan cu ta scoge e caminda aki.”

E storia di Hunter y su famia a lanta tanto admi-
racion como debate, cuestionando e implica-
cion emocional y etica di modelahe infantil. Pa
famia Gough, e etapa aki ta trata di probecha

di oportunidad mientras cu ta cuida e biene-
star di nan yiunan.