Page 33 - HOH

Casnan Di Cuido Di Nos Grandinan Tambe Mester Ta

Prepara Pa Coronavirus (COVID-19)

 Featured

 Local
- 16/02/2020

Ora hopi hende ta biba hunto y ta comparti espacio cu otro manera t’e situacion den un
cas di cuido, virusnan por plama hopi liher y pasa di un persona pa otro.

Mirando cu mundialmente e casonan di COVID-19 ta sigui crece, Seccion Cuido di Nos
Grandinan di Departamento di Salud Publico ta desea p’e casnan di cuido ta bon informa
y prepara pa por trata cu casonan di malesa infeccioso cu por ta relata na malesa
respiratorio manera influenza of corona virus cu por ta mortal.

Seccion di Malesanan Infeccioso y seccion di Epidemiologie y investigacion ta vigilando
di serca tur desaroyo rond di COVID-19. Mundialmente e virus a afecta mas di 45.000
mil hende y a causa morto di alrededor di 1115 persona.

Mester remarca cu e virus respiratorio aki ta pasa di hende pa hende atrabez di
particularnan cu ta keda den aire of riba superficie despues cu un persona malo cu
sintoma di griep tosa of nister.

Recientemente World Health Organization a declara COVID-19 un “Public Health
Emergencies of International Concern” di e manera aki elevando e precupacion