Page 37 - HOH
P. 37
E falta di un control standarisa di e empleadonan pa tuma precaucion di infeccion tambe
por causa cu un virus ta plama. Ta importante pa uza guante y otro ekiponan di
proteccion pa preveni cu virus y bacteria ta sigui plama. E falta di e proceso di
comunicacion, informando e otro residentenan, miembronan di famia y bishitantenan cu
tin un malesa contagioso, por baha e cantidad di infeccion cu ta/por plama.
Falta di trahadornan y falta di fondo den cas di cuido ta keda un topico alarmante y un di
e causanan pa mayoria complicacion den e residentenan. E motibo mas comun cu
infeccionnan por plama ta pa motibo cu trahadonan no ta pone atencion na medidanan
preventivo, manera laba man of sterilisa ekipo prome cu brinda cuido na un residente.
Departamento di Salud Publico, Seccion Cuido di Nos Grandinan ta urgi tur cas di cuido
pa traha un plan strategico con pa preveni, combati y contene virus/malesa contagioso
den nan casnan di cuido. Pa mas informacion tocante Seccion Cuido di Nos Grandinan
por tuma contacto na telefon 522-4345 of manda un mail na ouderenzorg@despa.gov.aw.
https://24ora.com/dvg-casnan-di-cuido-mester-ta-prepara-pa-coronavirus/
