Page 54 - Min.TTC_Neat

Minister Otmar Oduber: Mientras ta cortando den vuelonan
‘long haul’ Aruba ta mantene su vuelonan

Monday, 27 April 2015 22:20
Comparti

Delta Airlines a mustra su confianza grandi den Aruba. Durante e encuentro cu Minister Otmar Oduber
tabatin cu e compania aereo diabierna pasa, Delta a mustra cu ta mantene nan vuelonan pa nos isla,
esaki a pesar cu nan ta cortando vuelonan asina yama ‘long haul’.
Delta Airlines ta un aerolinea importante pa loke ta mercadeo Mericano y a sa di mustra su confianza den
nos isla durante ultimo añanan. Durante e reunion cu Minister Otmar Oduber tabatin siman pasa cu e
ehecutivonan di e aerolinea, por a wak un biaha mas e confianza aki na momento cu a anuncia, cu
contrario na otro vuelonan ‘long haul’ cu nan frecuencia lo wordo reduci, Aruba lo mantene su vuelonan
manera nan ta na e momentonan aki. Den e cuadro aki mester bisa cu Delta ta haya aproximandamente
30% di su ganashi for di vuelonan internacional, incluyendo nos isla cu a mantene e cantidad di
vuelonan.
Durante e reunion a papia riba diferente aspecto, pero en general por bisa cu loke ta resalta ta e
confianza cu tin den Aruba como producto turistico.
Minister Otmar Oduber a indica cu e satisfaccion mas grandi ta pa scucha e forma con e aerolineanan ta
expresa nan mes riba Aruba, riba nos aeropuerto, riba e stabilidad, e turismo y e futuro cu nan ta mira pa
nos isla no solmente turisticamente, pero tambe riba e funcion di hub cu kier crea pa Aruba.
Minister Oduber a felicita comunidad turistico di Aruba y a gradici henter e team di e diferente
instancianan cu ta haci e logronan y imagen di nos isla posibel.

http://www.24ora.com/politica-mainmenu-18/94565-minister-otmar-oduber-mientras-ta-cortando-
den-vuelonan-long-haul-aruba-ta-mantene-su-vuelonan

Minister Oduber: United Airlines lo aumenta su frecuencia di
vuelonan di uno pa cinco pa siman durante e zomer aki for di
Houston

Monday, 27 April 2015 22:47
Comparti

Durante reunion cu Minister Otmar Oduber tabatin diabierna mainta cu United Airlines na Merca, e
noticia positivo a bin dilanti cu nan lo aumenta nan frecuencia di vuelonan di uno pa cinco pa siman
durante e zomer aki for di Houston.
Minister Oduber a indica cu mientras cu den Caribe ta premirando un crecemento di aproximadamente
3% den cantidad di stulnan, na Aruba nos a logra supera e porcentahe aki cu dobel digito, yegando na un
aumento di 14% durante e zomer aki.