Page 50 - Min.TTC_Neat

straño e actitud aki, mas ainda ora cu a wordo bisa cu a wordo bisa for di cuerpo di siguridad na
señor Fazio, cu nan a purba di tuma contacto cu directornan di aeropuerto y no por a ricibi
ningun. Oduber a hay’e straño pasobra e por a haya sr. Benschop di biaha, sr. Fazio di biaha den
e prome yamada cu el a haci. Por mira cu tin cosnan straño a tuma lugar den e caso specifico aki.
Oduber a sigui bisa cu e investigacion cu tin cu tuma lugar na aeropuerto lo bay caba cu esaki.
Aeropuerto tin full camara y por mira claramente kico a tuma lugar. Lo por mira claramente cu si
acerca e minister pa hala su auto si of no, lo por mira pa cuanto rato a permiti pa keda riba un
takelwagen dilanti di aeropuerto cu no ta normal tampoco y naturalmente celularnan awendia ta
hopi moderno. Sa precies ki ora e director a wordo yama, manera cu a wordo sugeri pa e propio
persona di siguridad pa yama e minister. No ta cuestion cu e minister a bay yama e director. E
persona a bisa cu e unico hende, mirando cu e no tabata tin su cartera cune ta un director di
aeropuerto cu por laganan pa e bay cu su auto y paga despues. Riba e peticion ey e minister a
yama Oduber, di cual a yama e directornan y lamentablemente ta scucha cu den e email cu el a
ricibi di sr. Fazio cu e hefe di siguridad na warda, a bisa cu el a yama e directornan y no a haya
nan na liña. Investigacion lo tuma lugar y mira si enberdad tabata proceso normal cu ta wordo
hiba, den caso di tur otro hende, of si den e caso aki tabata tin un meta su tras, pasobra por a mira
cua ta e medionan di comunicacion cu a wordo yama pa por pone esaki den prensa awe mainta.
Un minister tin e autoridad pa por acomoda su auto na aeropuerto. Berdad ta cu eerste lane ta
esun mas adecuado pa haci esaki, pero e minister ta keda un minister, e ta keda un di e
accionistanan di e aeropuerto di Aruba, a identifica su mes, y manera menciona, una bes cu e
minister a identifica su mes y ta dispuesto pa hala e auto, pero toch ta mantene e auto getakel, ta
wante casi 40 minuut dilanti aeropuerto, no ta hib’e manera procedura normal ta. Straño cu e ta
zona, no ta haya director. Esey ta nifica cu un director tabata cla pa accidenta ayera, no lo a haya
e director di aeropuerto. Ta cosnan cu no ta klop y ayera a bisa cu lo haci un investigacion pa
mira kico ta loke a sosode. Manera cu Oduber a bisa, e investigacion ta facil.
Esaki ta un procedura normal, un minister cu ta yega y bisa ken e ta, bisa cu el a bin busca su
yiu, no tabata tin su cartera, tuma su datonan, e supervisor di siguridad ta bisa cu e unico hende
cu por permiti esey ta un director, ta mas cu logico ta yama Minister Oduber.
E minister a sigui splica cu e supervisor a reconoce e minister encuestion y awor tin cu bay wak
dicon e directornan no tabata disponibel. No por imagina un aeropuerto cierto momento cu ta
wordo yama for di siguridad y no ta disponibel. Sr. Fazio a confirma cu e no a haya ningun
yamada. Sr. Benschop a confirma cu e no a haya ningun yamada. Ta facil pa haya sa ken ta papia
berdad y ken no.
Pa loke ta trata parkeo, tur hende sa cu e prome lane ta caminda cu mandatario y cierto otro
personanan ta permiti pa laga nan auto mes eynan. E por keda para oranan mes.
Di dos lane ta caminda cu tur hende, incluyendo e ministernan tambe por para nan auto un rato
pa pick up hende. Na momento cu un cuerpo di siguridad, y ta sosode cu un hende, si nan para
auto di mas nan ta bin cerca bo, of si nan weita pa bandona e auto despues cu e tabata para hopi
largo, ta acerca e persona y avise cu e no mag di para eynan.
Na e momento ey esaki no a sosode. Segun Oduber, e direccion cu kier busca ta como si fuera cu
tin un ley pa minister y ley pa otro hende, cual no ta berdad. E forma cual e procedura cu a
wordo hiba na aeropuerto, ta e forma cu ta wordo hiba pa tur hende. Den e caso aki, e minister a
para den e di dos lane. E punto tabata cu e no tabata mag di tarda. Un biaha mas, ta camara lo
bisa si a acerca e minister pa hala e auto, camara lo bisa si e auto ey a keda para dilanti riba un
takel wagen pa casi 40 minuut y e celularnan cu supuestamente mester a yama un director, si
esey a tuma lugar si of no.
Tin tres lane den aeropuerto. E prome lane ta caminda cu tur hende por para, warda nan famia,
busca nan famia. E di dos lane ta esun cu ta keda trafico cu ta sigui y e di tres lane ta pa esun cu
ta para dialnti carrental pa busca un auto, pa baha un hende of drop. No mester busca un issue
caminda cu no tin, segun e minister. Simplemente esaki tabata un regla cu ta conta pa tur hende,
e lo a conta pa e minister tambe, den e caso aki. Un biaha mas, e investigacion lo mustra y no ta