Page 48 - Min.TTC_Neat

Mientras ta cortando den vuelonan “long haul”, Aruba ta mantene su vuelonan

 Apr 28th, 2015
 Local

Delta Airlines a mustra su confianza grandi den Aruba. Durante e encuentro cu Minister Otmar
Oduber tabatin cu e compania aereo diabierna pasa, Delta a mustra cu ta mantene nan vuelonan
pa nos isla, esaki a pesar cu nan ta cortando vuelonan asina yama “long haul”.
Delta Airlines ta un aerolinea importante pa loke ta mercadeo Mericano y a sa di mustra su
confianza den nos isla durante ultimo añanan. Durante e reunion cu Minister Otmar Oduber
tabatin siman pasa cu e ehecutivonan di e aerolinea, por a wak un biaha mas e confianza aki na
momento cu a anuncia cu contrario na otro vuelonan “long haul” cu nan frecuencia lo wordo
reduci, Aruba lo mantene su vuelonan manera nan ta na e momentonan aki. Den e cuadro aki
mester bisa cu Delta ta haya aproximadamente 30 porciento di su ganashi for di vuelonan
internacional, incluyendo nos isla cu a mantene e cantidad di vuelonan.
Durante e reunion a papia riba diferente aspecto, pero en general por bisa cu loke ta resalta ta e
confianza cu tin den Aruba como producto turistico. Minister Otmar Oduber a indica cu e
satisfaccion mas grandi ta pa scucha e forma con e aerolineanan ta expresa nan mes riba Aruba,
riba nos aeropuerto, riba e stabilidad, e turismo y e futuro cu nan ta mira pa nos isla no solamente
turisticamente, pero tambe riba e funcion di “hub” cu kier crea pa Aruba. Minister Oduber a
felicita comunidad turistico di Aruba y a gradici henter e team di e diferente instancianan cu ta
haci e logronan y imagen di nos isla posibel.
http://masnoticia.com/mientras-ta-cortando-den-vuelonan-long-haul-aruba-ta-mantene-su-vuelonan/