Page 18 - AM

18 AWEMainta Diabierna, 31 Juli 2015

Organisa pa Bo Bario, FCCA y AVB UN grupo empleado di Bo Bario y F.C.C.A a organisa un torneo

EXITOSO FUTBOL di futbol na unda mas cu 30 mucha a participa.
Jonathan Lake di Bo Bario a dun’un splicacion con e torneo aki
den bario di a bay.
Bushiri “E Fundacion aki ta back to basic. Nos ta hopi orguso cu A.V.B den
persona di su President Richard Dijkhof cu a duna nos balanan
pa hunga.

Nos a pasa den bario di Sabana Basora unda cu Minister President
Mike Eman tabata presente y un cantidad grandi di hoben y
mucha mes.
Tur masha contento cu nan cancha di bala a keda cla.Tambe
team Bo Bario tabata presente. David Abdul cu a comenta cu e
ta masha contento mes y cu mas den siman lo tin otro bario mas
unda ta bay tene torneo di futbol.
Abdul a bisa cu e proyecto aki ta pa logra mas a lo largo di e
temporada p’asina tene e muchanan for di caya. Haci deporte
ademas ta sano pa mente y curpa.

Richard Dijkhoff a splica cu esaki ta e proyectonan cu ta bon y
cu e muchanan cu ta participa ta keda asina den bon condicion
rib’e tereno aki.
“Ora cu ABV wordo aserca pa yuda cu proyectonan asina, nos ta
mira cu esaki ta un bon ehempel p’e muchanan y nos ta aporta
mesora p’e ta un exito.

E motor grandi tras di e torneo aki ta Alvin Geerman (Pajo)
kenda ta stimula e muchanan. Un persona cu a hunga den varios
seleccion di futbol y a sali campeon dos bes.
“Mi a aserca FCCA pa un ayudo y nan a hay’e un bon plan. Hunto
cu Jonathan Lake nos por a haci esaki bira un realidad.
Nos tin un veld chikito cu falta pa cera y asina nos tin veld pa por
hunga futbol tur ora. Mi ta masha agradecido cu tin asina hopi
mucha y hoben cu kier hunga futbol.