Page 70 - vos july 7

Parlamentarionan ta uza palabra “fascista” sin sa miyones
di bida cu el a ocasiona

Publication: Tuesday, 7 July 2015. Categoria: General
Minister Schwengle y Bermudez a cuestiona cu

ORANJESTAD (AAN) Durante tratamento di e ley di BAZV den Parlamento diabierna ultimo,
tanto Minister di Salubridad Publico, dr Alex Schwengle como Minister di Finansa, Angel
Bermudez, a reacciona formalmente contra un expresion haci pa miembronan di fraccion di
MEP, sabiendo cu e expresion aki tin un nificacion asina doloroso pa humanidad.
Minister Schwengle a mustra su lamento cu tin miembro di Parlamento a uza e palabra “fascista”
den un forma asina den Parlamento, y su persona ta kere cu esunnan cu a haci e expresion aki,
simplemente no tin nocion di e magnitud di dolor cu e palabra aki a causa durante di Segunda
Guera Mundial rond mundo.
“Haciendo expresion riba fascismo ta muestra di un falta di respet increibel na e balor di bida di
e ser humano, ya cu ta miyones di hende a wordo masacra den un forma asina cruel durante di
Segunda Guera Mundial pa awor bin uza e palabra doloroso aki den Sala di Parlamento.
Nos por tin diferencia di opinion, nos tin e derecho di cuestiona y critica tur loke nos ta
diferencia di opinion riba dje, pero na mes momento nos mester keda den contexto di e discusion
y siendo miembronan di Parlamento, no mester yega na expresionnan extremo manera uzo di e
palabra aki,” Minister Schwengle a mustra den forma categorico.
Minister Angel Bermudez na momento cu e mester a contesta pregunta den di dos tanda a mustra
cu en realidad ningun pregunta a ser haci na su persona pero e kier a haci uzo di e oportunidad pa
expresa su desaprobacion total pa uzo di un palabra asina pisa y serio manera fascismo.
“Mi no ta kere cu nos mester yega na e nivel di discusion aki y mi no ta kere cu esunnan cu a
haci mencion di fascismo tin conocemento di nificacion di e palabra aki of pa kico e ta para.
Nos tur cu sa historia di mundo y humanidad ta bon na altura kico fascismo a haci durante
Segunda Guera Mundial y tambe den nos continente na Sur America, cuanto bida di hende el a