Page 72 - vos july 7

Varios docter di cas ta trata e pacient pa un malesa so!

Publication: Tuesday, 7 July 2015. Categoria: General

ORANJESTAD (AAN) – Den e transcurso di dialuna, diferente yamada a drenta na nos
redaccion relaciona cu un huisdokter cu ora un persona ta bin cu mas di un problema di salud, ta
trate pa un malesa so.

Reaccion a drenta for di San Nicolas, unda un pacient di edad grandi a pasa den e mesun
situacion, cu e mester a bay docter di cas cu diferente keho di salud, cu kizas ta conecta na otro
pero podise ta diferente tema di salud cu e mester cuida.

E docter tambe a bise cu e por trata un so di su problemanan, pa cada otro cos e mester pidi cita
cada bez.

E pacient kier sa si esaki ta un medida di AZV, cu kizas a duna e docternan ordo pa atende cu un
problema di salud so, ora un persona tin sintoma di diferente malestar.

Imagina bo cu awendia tin asina tanto virus cu ta ocasiona griep, tosamento, sacamento, dolor di
barica, habrimento di barica etc., anto ora di bay docter e ta pone scoge riba cual sintoma e kier
wordo trata? Si e ta scoge pa tosamento, ta un stropi traha den botica so e por haya, of
paracetamol cu ta parce cu na Aruba ta e pildo cu ta cura tur cos. Mientras tanto, e tin cu wanta
cu sacamento pa bolbe pidi afspraak pa haya remedi pa esaki, of ora su curpa ta deshidrata di bay
w.c, e ora ey mester bin pa busca algo pa habrimento di barica y asina consecutivamente. Un
ridiculez di marca mayor!

http://www.diario.aw/2015/07/varios-docter-di-cas-ta-trata-e-pacient-pa-un-malesa-so/