Page 47 - MIN.VOS MRT 24

Salubridad Publico, a duna di conoce na momento di a puntre si Gobierno no a evalua pa
construi e sala di operacion nobo na Instituto Medico San Nicolas (IMSAN).
En principio, e Minister a bisa, tabata posibel pa parcialmente soluciona e problema di sala
operacion di HOH, habriendo dos of tres sala di operacion na IMSAN. Un di e problemanan pa
haci esaki e solucion, ta e transporte y e di dos motibo ta cu IMSAN no ta un hospital mes. “E
no tin cama, y cualkier operacion cu wordo haci mester ta uno chikito, unda cu e persona por
bay cas di biaha. Of keda drumi un rato pa despues bay cas. Esta algo parecido na dag-opname.
Pero ningun di e dos posibilidadnan ey tey awor. Y pa colmo, pa esaki mester di un
presupuesto. Nos a bisa na Staten y den prensa cu, nos tin un acuerdo caba cu AZV, Gobierno,
IMSAN y Hospital, pero no firma ainda, cu nos no ta bay papia mas di capacidad di sala di
operacion di HOH, pero capacidad di OK Aruba. Nos a inverti hopi caba den e OK-nan y
Sterilisacion di IMSAN.” El a sigui splica cu ta bay ehecuta algun aspecto cu poni den e
Masterplan di IMSAN, esta drecha e edificio, ta bay introduci eynan un radio-terapia center y
centro oftamologico, cu ta moviendo bon caba y kier habri algun facilidad di OK pariba. E sala
di operacion aki na IMSAN ta solamente pa intervencionnan policlinico, cu e pashentnan por
bay cas despues di operacion. “Si esaki bay bon, ta habri e poco camanan cu tin disponibel, no
pa pasa anochi, sino pa operacionnan di dagopname. Esta operacionnan un tiki mas complica
cu mester vigila e pashent pa algun ora despues di e operacion, pero no cu e ta pasa anochi
eyden.” Esaki ta e idea pa e OK pa pariba di brug.

http://www.24ora.com/politica-mainmenu-18/93296-minister-schwengle-ta-sigui-ehecuta-e-
masterplan-pa-imsan

Minister Alex Schwengle: Operacion urgente no ta wordo
cancela pero ora cancela no ta algo agradable

M onday, 23 March 2015 19:35
Comparti

Tin algun critica cu operacionnan na HOH ta wordo cancela mas cu un biaha, aunke hospital ta
esun mas adecuado pa contesta preguntanan asina, Minister Schwengle a splica di loke e tin
como experiencia. Y el a bisa, pa cuminsa cu un operacion urgente sigur no ta wordo cancela.
Sea ta trece e material for di Corsou of ta manda e pashent pa exterior. Berdad, e ta bisa, no ta
agradabel pa pospone un cita y e ta sigur cu ora di pospone un afspraak no ta wordo haci pa
malo. Si e ta wordo haci pasobra material a caba, “e no ta algo corecto, pasobra hospital su
logistica y di compra mester ta bon.” Di otro banda, e ta bisa, Aruba como un isla chikito ta
depende di companianan cu ta trece e material pa hospital. Tin biaha hospital ta haye pega
door di cierto circumstancianan. Esaki por ta pasobra e compania no a manda e material na
tempo pa HOH of por ehempel door di dianan di fiesta y no por a saca carga. Esaki ta algo cu el
a experencia personalmente ora cu el a traha como specialista di pulmon na hospital.