Page 50 - MIN.VOS MRT 24

Major League Baseball ta invita Gillian Wernet pa
"International Prospect Series 2015"

M onday, 23 March 2015 11:15
Comparti

Despues cu e hoben Gillian Wernet a participa y a duna un bon prestacion na e "Major League
Baseball International Showcase" luna pasa (8-11 Februari) na Republica Dominicana, Major
League Baseball (MLB) a seleciona Gillian Wernet pa forma parti di e team di e mihor
prospectonan international, "International All-Star Prospects Team", cu lo bai competi den un
evento di USA Baseball's International Prospect Series na Cary, North Carolina, USA.

E roster di prospectonan international "International All-Star Propects Team" ta consisti di
mihor prospectonan for di diferente paisnan
manera Aruba, Colombia, Curacao, Republica Dominicana, Panama y Venezuela. Manera nos
por a compronde, e All-Star team aki lo
ta consistiendo di 31 mihor prospectonan cu a wordo selecta door di e personal di MLB cu den
su majoria lo ta prospectonan cu lo ta
eligibel pa firma cu organisacion di Liga Grande entrante 2 di July, 2015.

E "International All-Star Prospects Team" aki lo ta participando na un evento di tres dia cu ta
inclui un dia di entrenamento y dos dia di
wega contra dos equiponan di North Carolina High Schools, e.o. South Caldwell High School y
Providence High School.
E evento aki, cu ta un creacion di USA Baseball conhuntamente cu Major League Baseball, lo
tuma lugar di 26 pa 28 di Maart proximo
na e complejo di Baseball National Training Complex na Cary, North Carolina, USA.

E evento aki sigur lo conta ku presensia di top scoutnan international y tambe di varios gerente
general di equiponan di Liga Grandi
unda cu tur lo por bolbe haya un bista di e mihor prospectonan international den accion
despues cu nan a evaluanan durante e
"Major League Baseball International Showcase" na Februari na Republica Dominicana.
Adjunto nos por mira e schedule di e evento aki y tambe por sigi un articulo di e evento cu a
sali ariba website di www.usabaseball.com.