Page 53 - MIN.VOS MRT 24

concepto cu mester wordo aproba door di e stakeholdernan. E idea ta pa juni / juli cuminsa
riba e plan di OK. E sala di operacion nobo ta bay wordo construi riba e prome piso, entre e
edificio nobo y esun bieu. Pero tambe mester traha riba e sala di operacion bieu, cual lo mester
wordo adapta pa garantisa siguridad minimo pa pashent y trahadonan. E renobacion di 2008
no tabata completo, den escala grandi. “Tur hende mester compronde si cu ta na e nivel aki nos
mester bay, nos no tey ainda, pero nos tin un plan cu lo wordo ehecuta gradualmente den dos
aña y nos lo yega na e nivel cu nos kier sigur.”

TNO a haci su dos investigacionnan caba, fisico y calidad di aire, y cual tabatin hopi critica. A
base di esaki a mehora algun aspecto di e calidad di aire, pero falta mas adaptacion cu tin na
caminda.

Di otro banda, e Minister a bisa cu e ta cumpliendo cu un peticion di Parlamento, pa investiga
di con OK no a wordo inclui den e plan inicio di e Masterplan. E analisis ta andando, y no tin
resultado ainda. “Nos ta poniendo presion riba hospital pa duna un documento mas lihe
posibel. Ora cu tin esaki pa apunta kende ta responsabel, nos lo bay Parlamento bek cu e
informacion.”

E mandatario ta expresa cu e ta contento cu e reunion aki, cu aunke tabatin hopi discusion, na
final a logra pa yega na un sala di operacion di calidad cu tin un duracion di por lo menos 15
aña y “tur hende ta para tras di esaki”.

http://www.24ora.com/politica-mainmenu-18/93251-minister-schwengle-a-yega-na-un-acuerdo-riba-
un-sala-di-operacion-nobo-pa-hospital