Page 48 - MIN.VOS MRT 24

http://www.24ora.com/politica-mainmenu-18/93295-minister-alex-schwengle-operacion-urgente-no-
ta-wordo-cancela-pero-ora-cancela-no-ta-algo-agradable

Minister Schwengle: Prome cu fin di aña mester yena
vacatura di “chief” di hospital

M onday, 23 March 2015 19:33
Comparti

Den un declaracion duna, Minister di Salubridad Publico Alex Schwengle a splica e procedura
pa yena e vacatura di e director general pa dr. Horacio Oduber Hospital. Pa cuminsa, el a splica
cu hospital ta wordo maneha pa un directiva di tres persona, di cual un ta Presidente y dos
manager.
“E concepto ta cu tin un “chief” y e tin dos consehero grandi, di cual uno ta specialisa riba
maneho / finanza y e otro ta concentra riba “health care management”. “ Te cu awor, e
mandatario a splica, no tin un Presidente ainda pa e directiva y pa esaki a publica algun aviso
buscando un persona pa yena e vacatura aki. E exigencianan pa e puesto aki a wordo poni door
di Hunta di Supervision. E otro dos posicionnan ta wordo ocupa awor door di Theo de Kool
(finanza) y Ezzard Cilié (parti di cuido). E ultimo aki a haya un tempo di prueba di seis luna, y
denter di poco e lo wordo evalua, esta su funcionamento, door di Hunta di Supervision. Den e
evaluacion, e Minister ta spera cu lo tende tur e partidonan envolvi. Di su banda, su
experiencia cu Cilié ta bon y “mi a experenci’e como un persona hopi apasiona pa su trabou, cu
kier haci hopi bon pa comunidad”. Pa loke ta e posicion di Presidente cu mester wordo ocupa
ainda, Minister Schwengle ta spera cu por keda cla cu e procedura y nombra e persona prome
cu fin di aña. Aunke cu e mandatario no sa e nombernan specifico, pero e por a compronde cu
tin algun solicitud a drenta caba. E mes lo haya e informacionnan completo na final. El a
manda palabra di elogio pa Hunta di Supervision cu ta hibando e procedura aki di un forma
profesional y transparente. Pa e puesto, ta wordo exigi cu e persona tin experiencia cu maneho
di un empresa / instituto grandi manera hospital, experiencia cu un cartera di un presupuesto
di 150 miyon florin, y e persona di cuido mester tin experiencia riba tereno di cuido, mester tin
e sentimento pa e cuido. Pa e puesto di Presidente no necesariamente e mester ta procedente di
sector di salubridad. E mester tin un experencia grandi, preferiblemente den hospital. “E
mester ta un bon manager pa maneha un empresa grandi manera hospital,” e mandatario a
duna di conoce.

http://www.24ora.com/politica-mainmenu-18/93294-minister-schwengle-prome-cu-fin-di-ana-mester-
yena-vacatura-di-chief-di-hospital

IBiSA ta informa: Apertura di Weganan Interinsular na
Aruba

M onday, 23 March 2015 16:31