Page 10 - AM200311

10 AWEMainta Diaranson, 11 Maart 2020

Adicto a morde habitante causando

un herida serio altura di su garganta

El a wordo deteni

DIALUNA anochi algo prome cu 10’or, un patruya pas-
ando cerca di Linear Park a topa cu un pelea. Esaki ta-
bata entre un adicto y un haabitante tegenover di Linear

Park. Mesora agentenan a baha pa mira kico tabata pas-

ando. Segun a compronde n’e sitio, e habitantenan a yega
cas y lo a topa cu e tipo aki.
Segun nan e tipo aki lo tabata of a tira piedra riba e cas

y tambe posiblemente lo t’e mesun persona cu algun dia

pasa lo a comete ladronicia y/of kiebro n’e dicho cas.

Dialuna anochi a bin un confrontacion. Durante e pelea

cu un di e habitantenan, e adicto a morde e persona parti

abou di su cachete banda drechi. Esaki a causa un herida
basta serio, unda cu te hasta un pida carni e lo a kita.
Mesora a pidi un ambulance pa mira e herida. Debi cu

ambos tabata bringando Polis a bay over na detene tur

dos. Un rato despues Polis a confisca un chapi tambe cu a
wordo usa durante e pelea.

Na yegada di ambulance e homber cu a wordo mordi a

cana subi e ambulance pa haya tratamento medico.
Mirando cu Playa no tin Transportwagen mester a warda
algun rato p’esun di Santa Cruz yega y hiba e adicto war-

da di Santa Cruz.

Polis a keda un rato pa compila tur dato posibel di e famia.