Page 25 - AWEM8MARCH2017

AWEMainta Diaranson, 8 Maart 2017 25

Reserva dia 10 di maart proximo:

Renaissance Aruba ta presenta

‘Seafood Pop-Up’ Catch!

DESPUES di algun edicion exitoso di Renaissance

Aruba su ‘pop-up’ restaurant na ex-Carpe Diem, a toca
turno pa Aruba sera conoci cu Catch!
Specialmente pa temporada di Cuaresma y e tradi-
cional diabierna di come pisca, Renaissance lo tin un
Seafood Pop-Up Restaurant. Catch! lo tey pa un solo
dia.

Tur luna, Aruba por spera un ‘pop-up’ restaurant. E luna
aki a yega turno pa delicianan di lama. Catch! su menu lo
ta varia; purba ‘Fish Bites’ cu su pica di papaya, Sardine,
Clams, un tradicional ‘Ceviche’, Oester fresco, ‘Lobster &
Shrimp roll’, ‘Fish & Chips’ y algo nobo pa comparti - e
‘Catch! Platter’ cu ta ofrece un tiki di tur cos.
Lo tin un variacion di hopi otro plato di lama cu e team
culinario di Renaissance a prepara.
No por keda sin menciona e dessert; despues di cuminda,
saboria un dushi Ice Cream y Brownies.

Bin hunto cu famia y amigonan pa disfruta di Catch!
unicamente diabierna 10 di maart, n’e lugar di semper, ex-
Carpe Diem Restaurant situa dilanti di Renaissance Mall.
Catch! lo ta habri pa lunch for di 11’or di mainta, tambe
cu opcion pa dinner te cu 10’or di anochi.
Lo tin live entertainment pa deleita tur presente. Bo ta keda
invita pa disfruta di Catch!. Pa mas informacion por tuma
contacto cu 523-6115 of bishita Renaissance su pagina di
Facebook, www.facebook.com/RenaissanceAruba/events