Page 20 - AweMainta

20 AWEMainta Dialuna, 15 Februari 2016

Riu Palace
Aruba tabatin
un celebracion
special na San
Pedro Paviljoen

RIU PALACE Aruba a coordina un celebracion special

prome cu Carnaval, combina cu celebracion cu Dia di Amor y
Amistad, dia 14 di februari na Fundacion di Cuido di Anciano,
SABA.
Gerente General Richard Velasco, acompaña p’e empleadonan
di Riu Palace Aruba, a trece un tiki alegria p’e Cas di Anciano
San Pedro Paviljoen, cu ta wordo opera pa SABA (Stichting
Algemene Bejaardenzorg Aruba) na Oranjestad.
SABA ta Aruba su proveedor mas grandi di cuido pa nos
ancianonan. Den e cas particular aki, tin mas di 100 habitante
cu ta wordo cuida.

Richard Velasco y su empleadonan a provee caha di lunch y
pasaboca pa tur e ancianonan, como tambe esnan cu ta cuida
nan.
Den e paviljoen di un piso, construi rond di un patio y
hardin, e habitantenan a disfruta di un lunch delicioso y un
presentacion di baile cortico duna pa e propio artistanan di
Riu Palace Aruba.

“Nos tabata asina contento di por tin e oportunidad pa bishita
e Fundacion y trece cuminda y cos dushi, como tambe un tiki
alegria prome cu Carnaval, pero tambe pa conmemora Dia di
Amor y di Amistar, n’e personanan sumamente special aki,”
Richard Velasco a bisa.
“E tabata un dia emocional pa nos tur, yena cu amor y alegria.”