Page 25 - AweMainta

AWEMainta Dialuna, 15 Februari 2016 25

Cu gran actuacion di
Jeanpierre van der
Linden, RCA ta gana
Bubali y mantene #1

DIASABRA atardi RCA “Big Wheel Lottery powered by

Powerade & KFC” a derota Bubali 4-1 pa sigui lidera e tabla di
posicion cu 27 punto den 10 wega.

E hoben Jeanpierre “Champi” van der Linden a anota dos gol
den prome tempo. Den di dos tempo Champi ta asisti Ronald
Gomez y Killiam Toro pa e cuater golnan Tricolor.
Na otro banda, Ruben Escalona a corta ventaha cu un bunita
gol di 30 meter di distancia. Ekipo Tricolor a sali cu siguiente
alineacion: den gol Juan David Maestre, defensanan Ale
Aparicio, Nathan Lo A Nioe, Jean Aser “Zaga” Ullyse, y
Michael “Mikki” Kirringdongo. Den bolante Roberto Paesch,
Ronaldo Martines, Jeanluc Bergen, Steven Melchor. Den atake
Jeanpierre van der Linden y Ronald Gomez.

Cambionan den di dos tempo a drenta Killiam Toro, Jean Marc
“Kokito” Howell y a debuta gran prospecto Hugo Robert pa
RCA.

Proximo ta e “gran clasico” RCA vs. Dakota riba diasabra
20 di februari pa 8:30 den CDGPT. Aki un tabla lo bula ora
e dos grandi nan di Aruba topa otro den bataya pa #1 di
Campeonato. Directiva RCA kier avisa tur hende pa busca bo
entrada Powerade 10k Run & 5.5k Funwalk e siman aki na
IBiSA, Welcome Back Snack of na RCA Arena pa bo no keda afo.