Page 23 - AweMainta
P. 23
AWEMainta Dialuna, 15 Februari 2016 23
Un sorpresa bunita pa nos grandinan
Riu Palace Antillas a trece
sonrisa pa e habitantenan di
Huize Maristella
cu un celebracion di Dia di San Valentin
DEN CUADRO cu e resort su deseo di ta mas envolvi cu e comunidad local
di Aruba, e ekipo di gerencia y empleadonan na Riu Palace Antillas a tuma
mando di un proyecto positivo di responsabilidad social dor di trece e spirito
di Dia di San Valentin na e habitantenan di edad grandi di “Huize Maristella”
ayera mainta.
Gerente General Juan Blanco a encabesa e esfuersonan y a coordina catering di
un lunch delicioso y pasaboca special pa trece un tiki alegria na e habitantenan
di e cas di anciano. E tabata tambe un muestra di gratitud p’e
trabou cu nan a haci durante nan bida, y nan
tantisimo logronan personal den celebracion
di amor y amistad.Un programa cortico di
entretenimento tambe a wordo hinca den
otro pa deleita e habitantenan durante e
lunch.
“Pa mira e excitacion y gratitud den e
wowonan di e habitantenan a haci
e celebracion aki extra special pa
nos tur.” Blanco a bisa. “Nos ta sinti
nos honra cu nos a forma parti di
e dia emocional aki y a recorda
nos amigonan special cu nan
ta stima, specialmente den e
spirito di Dia di San Valentin.”
