Page 5 - MIN JUS 14 OCT 2015

AWEMainta Diaranson, 14 Oktober 2015 7

MEP:

Gobierno mester stop
di bula pipa y asumi
su responsabilidad

CAFT SIMAN pasa a publica e raport riba e presupuesto

preliminario di 2016 di pais Aruba. CAFT ta yega n’e conclusion cu
e entradanan di Gobierno ta mucho halto y e gastonan ta mucho
abou. Cu esaki por conclui cu e conseho di CAFT riba e presupuesto
2016 di Gobierno di Mike Eman a wordo desbarata.
Y ora bo pensa cu Gobierno di Mike Eman a siña su les di aña
pasa, bo ta mira net contrario. Pasobra enbes di carga nan
responsabilidad, enbes di tuma e asunto aki na serio, Gobierno di
Mike Eman ta bagatelisa e raport di CAFT, y ta bisa cu loke CAFT
ta bisa no ta berdad, segun MEP den un comunicado.

Minister di Finansa, Angel Bermudez a declara cu CAFT por
conseha cuanto cu e kier, pero CAFT no por pidi nada!

Sinembargo segun e let di CAFT cu e propio Bermudez
y partido AVP a manda Parlamento, CAFT por pidi
hasta un aanwijziging, un KB!
Segun e ley ey mes, Gobierno ta compromete su mes cu
sigi e consehonan di CAFT, sino atrobe ta bin e drama
cu a conduci n’e welga di hamber di ensure di Mike
Eman aña pasa.

Tambe Minister di Finansa, Angel Bermudez a declara
cu no ta berdad cu Gobierno di AVP a tene informacion
atras di CAFT; nan a duna CAFT duna varios
documento, pero CAFT no ta haya cu nan ta sincronisa
cu otro, segun CAFT. Minister Bermudez mesora a
reacciona y splica cu nan no por duna informacion,
pasobra no tin cifras. Pero cu e no ta culpa di Gobierno!
Increible con nan ta purba manipula.

Ta ken su responsabilidad esey ta anto? T’e Gobierno
di Bermudez mes a goberna pa 6 aña y nunca a produci
cifras. Ken su culpa esey ta? Di CAFT? Di pueblo?
Di MEP? No, pasobra tempo di MEP tabatin cifras y
tabatin maneho drechi y responsabel. Tempo di MEP
no tabatin KB ni CFT.
Minister di Finansa, Bermudez a reacciona tambe riba
e acusacion cu e presupuesto NO ta realisitico, bisando
cu e si ta haya e presupuesto realistico.

Esey ta mesun cos cu Juan David Yrausquin, ex
Minister di Finansa a declara apenas un aña pasa!
Un cos ta obvio: E Gobierno aki NO ta siñando di su
erornan, y unico cos cu ta haciendo ta bula pipa, segun
MEP den su comunicado.
Ta tempo p’e Gobierno aki asumi su responsabilidad,
y stop di bula pipa, sino e siguiente aanwijziging, KB
of maatregel ta wordo traha mesora.
Pueblo di Aruba no merece pasa den e berguensa aki un
biaha mas, pueblo di Aruba a wordo humiya demsiado
caba, y merece mihor.