Page 9 - MIN JUS 14 OCT 2015

AWEMainta Diaranson, 14 Oktober 2015 13

Ignorancia e
ingrediente fatal p’e
desaroyo financiero
negativo di nos pais

GERICK CROES di partido MEP ta bisa cu tin biaha bo ta keda

asombra di lesa tanto calumnia y insinuacionnan sin base den
comunicado. Esaki ta pasa hopi biaha ora bo no tin argumento
mas pa defende bo propio rol y accion como representante di
pueblo den un desaroyo financiero negativo. Netamente esaki
t’e caso di lider di fraccion AVP sr. Herde cu a dicidi di papia over
ignorancia. Pero si kier papia di ignorancia mester cuminsa den
su propio cas prome cu wak otro.

Ki ora berdad bo ta ignorante? Wel e desaroyo financiero precario
di nos pais no a yega caminda cu e ta cu arte di magia. Dimes cu
no, esaki ta origina for di e promer añanan cu Gabinete
Eman a tuma mando di nos pais ora cu Minister de
Meza a tuma mando di finansas sigui pa sr. Yrausquin.

Den e promer 2 añanan ya caba indicadornan
financiero tabata mustra con iresponsabel nos pais
tabata wordo maneha y e rumbo cu e ta bayendo.
Awor e receta perfecto pa un desaster financiero ta
consisti di algun ingrediente pa menciona algun 1)
ignorancia, 2) incapacidad 3) no cumpli cu bo trabou
como Parlamentario.

Segun Gerick Croes, Parlamento specificamente
fraccion AVP durante tur e añanan cu a traspasa
tabata basta ignorante ora ta trata finansas publico
di nos pais. Parlamento no a hasi su trabou y ta pesei
awendia nos ta bou supervision financiero acompaña
cu yobida di medida. Tur esaki por a wordo evita si
Parlamentarionan di AVP a asumi nan responsabilidad.

Ta obvio cu e aprobacion di tur e presupuestonan for di
2010 te cu 2015 tabata un eror grandi den historia di
Aruba. Ademas e ta bisa hopi di e 13 Parlamentarionan
cu ciegamente a sostene cifranan cu tabata totalmente
irealistico y incompleto. E solo hecho cu na varios
ocasion a cambia of surpasa e presupuestonan ta un
muestra cu Parlamentarionan no a cuestiona, studia
y a hasi nan trabou manera debe ser.

Gerick Croes ta conclui bisando cu e ignorancia ta
bai asina leu y n’e mesun momento bo por confirma
incapacidad di Parlamentarionan pa cu nan rol
den e desaroyo financiero negativo di nos pais. Ta
di lamenta cu fraccion AVP ta ignorante y nunca a
controla Gobierno sino a continua na sostene un
maneho iresponsabel y deficiente sin pensa rib’e
consecuencianan grandi cu esaki por tin pa full un
comunidad.