Page 48 - kpa juli 3 2015

Polis a topa adicto herida y sin cuido

Publication: Friday, 3 July 2015. Categoria: Policial
Den Rancho

ORANJESTAD (AAN): E adicto ambulance Jose Maria Hassel ta muriendo riba pia. E ta
sufriendo di un malesa y ademas curpa ta yen di herida. E tin 62 aña y personalmente a expresa
cu e ta pura pa muri. Un patruya atento di Visibility Team a mire ta orina canto di un edificio
bandona.
Di un distancia e polisnan a mira tambe cu e persona tabata rondona cu musca. Ora a para e
patruya pa atende cune a resulta cu e tabata yen di herida. Varios buraco mahos den pia a
consecuencia di e heridanan serio. E tin sucu tambe y un malesa na su man cual motibo dedenan
no ta habri of sera. Pianan hincha y mannan tambe hincha.
Polis a pidi pa manda ambulance. E tabata tur orina tambe. Polisnan a logra core cu e muscanan
cu tabata riba tur e heridanan. Un yudanza pa Jose Maria Hassel ta urgente sino den algun dia e
lo muri. No ta pasobra e ta un vagabundo mester bente un banda.
Un aprecio na mes momento pa e dos agentenan cu a dune un man mesora y pidi yudanza pa e
situacion. Mescos nan por a bira cara sigiui bai tambe pero den e caso aki nan consenshi a pone
cu mester duna un man na e persona aki.
http://www.diario.aw/2015/07/polis-a-topa-adicto-herida-y-sin-cuido/