Page 51 - kpa juli 3 2015

Cuerpo Policial ta introduci pago electronico na cuater
localidad

Publication: Friday, 3 July 2015. Categoria: Policial

Clientenan awo tin e opcion pa “swipe”

ORANJESTAD (AAN): Cuerpo Policial Aruba ta
introduci pago electronico pa medio di “betaalautomaten”, of manera nan ta conoci
popularmente, “mashinnan di swipe” na cuater localidad. E proyecto aki tabata necesario pa por
brinda miho servicio na e cliente cu ta bin haci pago y pa baha e cantidad di placa cash cu ta
wordo maneha diariamente na e warda nan di polis.
Entre pagonan cu ta wordo ricibi na e warda nan di polis tin e pagonan pa diferente permiso y
pagonan pa auto cu a wordo getakel.
A introduci pago electronico na Centro di Husticia na Macuarima, e oficina pa renobacion di
rijbewijs (Santa Cruz), e Warda di Polis na San Nicolas y e Warda di Polis na Shaba, Noord. Den
futuro, pagonan electronico lo ta posibel tambe na e Warda di Polis na Wilhelminastraat 31-33
na Oranjestad.
Pa realisa e proyecto aki, cu a cay bao responsabilidad di Arleen Oduber, a traha hunto cu
Directie Financien y Aruba Bank.
http://www.diario.aw/2015/07/cuerpo-policial-ta-introduci-pago-electronico-na-cuater-localidad/