Page 12 - AM201229
P. 12
12 AWEMainta Diamars, 29 December 2020
Motociclista herida despues di a dal tras
di un Ford Transit cu a bandona e sitio
DIADOMINGO anochi 10’or pasa, Polis di Noord ta topa
cu un accidente di trafico pariba di Ruiz Take Away. Riba
caminda tabatin un bromer benta y e motociclista banda
di dje. Mesora agentenan a cuminsa averigua kico a pasa .
A resulta cu e bromer cu ta un Hayabusa a dal tras di
un Ford Transit color blau. E Ford no a keda n’e sitio y a
sigui bay.
Un persona a core bay unda e motociclista tabata benta y
a cuminsa duna señal cu su mannan pa trafico biniendo
di pariba. Esta pa pone atencion cu tin hende herida riba
caminda.
Polis a sera dos t-kruising, cu a haci cu trafico biniendo di
pabou pa direccion Paradera mester a bira y vice versa,
esnan bayendo Tanki Leendert tambe mester a tuma otro
caminda.
Na yegada di Ambulance, e Paramediconan mesora a
trata e motociclista kende tabata na tino y a pone riba
stretcher pa despues hinke den ambulance.
Caminda a keda sera pa basta rato te ora Departamento
di Trafico a caba cu nan investigacion.
Unda cu takelwagen a wordo pidi pa hiba e bromer cu no
tabatin plachi number riba dje.
