Page 14 - AM201229

14 AWEMainta Diamars, 29 December 2020

Fiesta Patronal Misa di Santa Famia

Skibi pa Anthony Haile

WILLEMSTAD - Diadomingo último Parokia di Santa Famia
a celebrá su fiesta Patronal di Santa Famia, cu ta carga me-
sun nòmber di e misa. Iglesia Católico ta celebrá e diado-

mingo despues di Pasco di nacimento fiesta di Santa Famia.
Obispo di Willemstad, Mgr. Luis Secco tabata presente pa

presidí e misa pontifical aki. Fiesta di Santa Famia ta un
hopi importante den Iglesia Católico ya cu famia t’e fundeshi
riba cual tur comunidat ta funda. Un famia uni den cual ar-

monia ta reina t’e hèrmènt cu nos tin mester pa forma un
comunidat sano.
Ta p’e motibo ey, e aña aki Covid 19 obligatoriamente a laga

nos para keto n’e ròl di famia na momento cu tabatin e “lock-
down” y hende mester a keda den cas. Hopi hende a realisá
n’e momento ey con importante e ròl di un famia ta.

Nos Obispo a para keto riba e importancia di famia y a trece
padilanti cu tecnologia por ta hopi avansá, pero cierto cos

no ta cambia. Como ehèmpel el a duna con nos por cambia
direccion di un riu, pero ora áwasero hopi pisa cay, e riu aki
ta cue e caminda bieu caminda e tabata core. E ta bay bek

na su orígen. Mes un cos ta sosodé cu nos famia. Ora cosnan
bira hopi pèrta nos ta bay bek na nos orígen cu ta nos famia.

Tambe Obispo a para keto riba e hecho cu hopi biaha den
nos mundo moderno nos no ta realisá e importancia di nos
hende grandinan. Nos ta pensa hopi lihé den ‘eutanasia’ ora

nos grandinan bira un lidia pa nos, sin realisá e balor cu e
grandinan aki tabatin den nos crecemento. Ta importante

pa para keto cu den e historianan di Bijbel. Tur e parehanan
cu a trece un yu’i na mundo tabata personanan cu ya tabatin
un edad avansá y cu nunca no a spera di por a bira mama y

tata. Tuma Abraham como un ehèmpel, tambe mama y tata
di Juan Bautista etc.
Pilar di nos sociedad ta keda nos famia y ta p’esey nos tin cu

balorá esaki. Famia ta skol di fe y lugar pa práctica balornan.
Ta p’e motibo ey nos tin cu respetá e instituto famia. Den e
aspecto aki hopi énfasis ta wòrdo poni e aña aki riba Iglesia

doméstico caminda famia tambe ta hunga un ròl importante.
Pastor Marc Hooijschuur, kende otro luna lo bandoná Còr-

sou pa bay ocupá un puesto nobo na Bonaire, a gradicí tur
presente pa nan presencia y tambe a trece un rato e impor-
tancia di famia. E ta realisá cu esaki no semper ta mes fácil,

pero nos mester purba saca cual lès Dios kier siña nos den e
bida di famia.

Dia 10 di janüari 2021 Pastor Marc Hooijschuur lo haci su
último misa na Parokia di Santa Famia pa despues bay Bo-
naire na unda ta ward’e un reto nobo.

Koor The friends of Jezus a animá di un manera special e
Santo Eucaristia. Un pabien na Parokia di Santa Famia cu
nan fiesta Patronal.