Page 8 - AHATA

12 LOCAL AWEMainta Diasabra, 15 Maart 2025

Bo derecho ta bo poder!

Consumidor awe, consciente mañan

consciente y responsabel. Na Aruba, mescos

cu den resto di mundo, ta esencial pa nos tur
conoce nos derechonan y sa con pa proteha
nan.

Den un mundo caminda comercio ta keda
crece y producto- y servicionan nobo ta sigui
aparece, ta facil pa nos perde nos mes den tur
e opcionnan. P’esey, ta crucial pa nos ta bon

informa prome cu nos haci cualkier compra.
Un consumidor informa ta un consumidor
poderoso.

Un di e derechonan mas importante di un
consumidor t’e derecho di ta informa. Esaki
ta nifica cu tur producto y servicio mester
tin informacion cla y corecto, incluyendo

prijs, contenido, y garantia. Tambe, ta impor-
tante pa sa cu nos tin derecho di reclama si
un producto of servicio no ta cumpli cu loke a
DIA 15 di maart tur aña, nos ta celebra Dia Mundial di Derecho di wordo priminti.

Consumidor, un dia pa reflexiona riba e importancia di ta un consumidor
Na Aruba, Dienst Huur- en Consumentenzaken
(DHZC) t’e instancia cu ta proteha derecho di
consumidor. Nan ta ofrece conseho y asis-

tencia na tur consumidor cu tin problema cu
un compra of servicio. Tambe, DHZC ta traha
pa educa nos comunidad riba nos derechonan
y con pa haci compra responsabel.

Awo mas cu nunca, den tempo di digitali-
sacion, e ta mas importante pa ta atento cu
compra online. Tin hopi oferta falso y tienda

online iresponsabel cu ta purba di engaña nos.
No permiti pa nan haci esey. Sigura bo mes cu
e pagina ta di confiansa y lesa e comentario
di otro consumidornan prome cu bo cumpra.

Pa celebra Dia Mundial di Derecho di
Consumidor, ban compromete nos mes pa ta
consumidor mas consciente y responsabel.

Haci pregunta, lesa e leternan chikito, y no tin
miedo di reclama si algo no ta bon. Hunto, nos
por traha pa un mercado mas husto y trans-
parente pa tur hende na Aruba.

Corda: bo derecho ta bo poder!