Page 9 - AHATA

14 INTERNACIONAL AWEMainta
Un crisis of un excuus?
Con fentanyl a bira un arma den e guera comercial di Merca
MERCA, Mexico, y Canada ta involucra den un disputa comercial creciente, unda
cu tarifa y sancionnan economico wordo uza como armanan politico. Aunke
fentanyl ta wordo menciona hopi biaha como e forsa tras di e tensionnan aki, e
pregunta mas profundo ta keda: E crisis realmente ta solamente tocante fentanyl,
of tin algo mas?
Fentanyl ta innegablemente un epidemia catastrofico na Merca, matando miles
di Mericano tur aña. Pero e guera comercial entre Merca y Mexico ta sugeri cu e
asunto por ta menos tocante para e trafico di fentanyl y mas tocante luchanan di
poder geopolitico mas amplio, negociacionnan comercial, y influencia economico.
Con malo e crisis di fentanyl ta?
E epidemia di fentanyl t’e crisis di droga mas mortal den historia Mericano, cu
opioidenan sintetico surpasando accidentenan di auto, suicidionan, y homicidi-
onan como e causa principal di morto pa Mericanonan di edad 18-45 aña. Na
2022 so, mas di 70,000 Mericano a muri di overdosisnan relaciona cu fentanyl,
ya cu e droga—50 te 100 biaha mas fuerte cu morfina—por ta mortal den
dosisnan chikito di 2 mg. E Cartelnan di Sinaloa y Jalisco New Generation (CJNG)
t’e traficantenan principal, produciendo fentanyl ilegal uzando kimiconan sumi-
nistra pa China prome cu contrabandea esaki atravez di e frontera entre Merca y
Mexico. E gobierno Mericano a culpa Mexico pa faya di para e fluho di fentanyl,
aumentando tensionnan comercial y disputanan politico entre e dos nacionnan.
E guera di tarifa entre Merca y Mexico: Un actuacion duro contra droga of
strategia economico?
E guera di tarifa entre Merca, Mexico, y Canada ta wordo presenta como un
actuacion duro contra fentanyl, pero hopi analista ta argumenta cu e motibo
Diasabra, 15 Maart 2025
berdadero ta strategia economico. Como respu-
esta n’e crisis di droga, Merca a menasa Mexico
cu tarifanan mas halto, a pesar cu e dos paisnan
ta comparti un relacion comercial masivo di $850
mil miyon. Cu Mexico recien surpasando China
como e partner comercial mas grandi di Merca,
Merca ta parce di ta uzando e crisis di fentanyl
como influencia pa sigura concesionnan comercial
mientras ta reduci dependencia riba fabricacion
Chines. Mientras Mexico ta bira un centro clave
pa cadenanan di suministro, Merca ta boga pa
mantene control riba su influencia economico den
Norte America. Politicamente, Trump ta enfrenta
presion pa actua riba siguridad di frontera y trafi-
cacion di droga, mientras Presidente Mexicano ta
rechasa interferencia Mericano, argumentando cu
demanda Mericano pa droga t’e problema real.
E guera di fentanyl ta djis un distraccion?
Mientras fentanyl ta un crisis real y mortal, tin
sospecho creciente cu Merca ta uzando esaki
como un hustificacion pa accionnan economico
mas amplio contra Mexico y China. En bes di
enfoca solamente riba para fentanyl, e guera
comercial ta sugeri cu Merca por ta pushando
pa metanan geopolitico mas grandi, incluyendo
dominio economico riba Norte America.
• Si Merca realmente kier a para fentanyl, pakico e
no a actua mas duro riba e rol di China den sumi-
nistra kimiconan precursor?
• Pakico Merca ta dirigi tarifanan riba Mexico en
bes di aumenta siguridad di frontera y opera-
cionnan di inteligencia?
• Esaki realmente ta tocante salba bida, of fentanyl
ta wordo uza como un instrumento pa reformula
comercio y fabricacion global?
E epidemia di fentanyl ta un tragedia cu mester
wordo atendi, pero ta birando mas cla cu e guera
comercial cu Mexico y Canada tin motibonan mas
leu cu solamente para droga. E pregunta ta keda:
Esaki realmente ta tocante fentanyl, of ta algo
hopi mas grandi?