Page 11 - MIN VOS

AWEMainta Diabierna, 11 December 2015 17

E 9th Annual
Stingray Challenge
Swimming Competition
t’e fin di siman aki

E fin di siman aki, Stingray Swimming Team of Aruba ta organisa su ultimo competenia

grandi di landamento na Aruba cu t’e 9th Annual Stingray Challenge Swimming Competition
esaki na Piscina Roly Bisslik na Savaneta.
E Stingray Challenge aki ta uno masha popular y lo conta cu participacion di tur club na Aruba
como tambe participacion di internacional di algun club di Corsou como tambe Ecuador.

E competencia lo inicia awe diabierna 11 di december y lo termina diadomingo 13 di decem-
ber. Lo landa den e categorianan 6 & under, 7-8, 9-10, 11-12, 13–14, y 15 y mas grandi.
E competencia lo ta bou encargo di nos referee, huradonan y timekeepers certifica pa FINA.
E Stingray Challenge t’e ultimo oportunidad p’e landador cu lo cambia di age group por purba
kibra record Arubano den nan agegroup actual.
E muchanan ta dal un stap pa un categoria mas grandi y awor ta nan chens di laga nan marca
atras.
Como ehempel nos tin algun mucha muher manera Keeley, Anahi y Flory di e junior group
di mucha muher cu a causa furor den 2015 kibrando record tras di record, tambe sin lubida
Daniel cu lo stap pa e agegroup 15 – 17 na januari awor.

Mester bisa cu medaya y ribbons lo wordo reparti na cantidad, pa medaya tin 1 te cu di 3
lugar y ribbons di 4 pa 8 lugar. Lo bay tin team trophy pa 1, 2 y 3 lugar, mientras cu lo tin
High Point Trophy pa e 1, 2 y 3 luga den cada categoria.
Un danki sigur na Comision di Subsidio cu a subsidia e 9th Annual Stingray Challenge Swim-
ming Competition organisa pa Stingray Swimming Team of Aruba.