Page 12 - MIN VOS

18 AWEMainta Diabierna, 11 December 2015

Diasabra ultimo a tuma lugar e final di
Bowling Men and Ladies League 2015

DESPUES di dos buelta di e torneo, 4 team di ambos

catergoria a pasa pa Play-off. Pa loke ta trata e cabay-
eronan, e team di Bright Bakery a titula campeon.
Na di dos lugar a keda Big Wheel Lottery, di tercer lugar
Old Parr y na di cuater lugar Sunset Bolwers.
Den e categoria di damas, Big Wheel Lottery a sa di bai
cu e titulo maximo. Na di dos lugar a keda Pizza Hut
Angels y na di tercer lugar e team di Quick and Eazy.

Mester menciona cu e weganan tabata rib’un nivel halto
caminda cu aki tambe e regla di faya bo haya a conta.
E team mas anima ta nada menos cu Quick and Eazy.
Aunke mester bisa cu animacion di parti di e teamnan
y nan siguidonan no tabata falta.

Un evento cu e aña aki a wordo introduci y cu a keda
hopi gusta t’e Single Event Men and Ladies League.
Durante e Single Event a duna 16 cabayero y 8 damas
cu average mas halto, hungando un minimo cantidad di
wega, e oportunidad pa gana riba titulo personal.
E Single Event a tuma lugar diamars ultimo, 8 di de-
cember.
Aki tambe mester bisa cu e averagenan tabata halto y
cu e bataya p’e titulo maximo tabata tremendo. Ningun
wega a bai facil.
Na final ta 4 hungador di cada categoria por a bai final
y ta 1 por a titula campeon.
Den cabayeronan, Laurence Wilming a sa di wordo
titula campeon, sigui pa Vale Jacobs, Chris Figaroa y
Nelson Kelly.
Pa cu e damas, Shakaina Querero a sa di bai cu e pre-
mio máximo. Shakaina a bolbe dia 5 di december for di
Bogota, Colombia na unda su persona a bai representa
Aruba hunto cu otro atletanan di bowling.
Na di dos lugar a keda Micheline Jeandor, sigui pa Jea-
dine Luidens y Bettiza Koolman.

Un pabien na tur team cu a logra e final y tambe n’e
teamnan cu no a logra e aña aki pa yega final.

Organisadornan, staf y personal di Eagle Bowling Palace
kier a informa tur hungadornan di bowling cu prepara-
cionnan ya ta wordo haci pa por cuminsa cu e Mixed
League 2016 na comienso di februari.
Pues esnan cu no tin team ainda, pero cu si kier hunga
por pasa inscribi nan mes n’e balie di Eagle Bowling
Palace.
Si falta pa shape up, pasa bo train pasobra durante e
torneonan excusanan no ta conta, PIN ta conta.

En fin, nos kier a gradici e sponsornan di tur 14 team di
cabayero y 7 team di damas pa nan contribucion cual ta
wordo altamente aprecia.