Page 13 - MIN VOS

AWEMainta Diabierna, 11 December 2015 19

Direccion Tecnico di COA a reuni cu

Federacionnan

Deportivo cu ta den

preparacion p’e

Weganan Olimpico

di Rio 2016

E macro-ciclo di preparacion tecnico relaciona cu cla-

sificacion p’e Weganan Olimpico di Rio 2016 a cuminsa
oficialmente 1 di october 2015.
Un total di 16 atleta den 7 deporte ta forma parti di e
Pre Seleccion Olimpico cu ta trahando duro pa logra
e obhetivo di participacion den e competencia di mas
halto na nivel deportivo.
E deportenan ta: Atletismo, Ciclismo BMX, Landamento,
Landamento Sincronisa, Taekwondo, Tiro y diferente
disciplina di Sailing.

Direccion Tecnico di COA atrabes di su Comision Tec-
nico, conhuntamente cu CEMEDAR, ta evalua cada dos
luna e proceso di preparacion di cada un di e atletanan,
incluyendo e gastonan di cada luna.
Cada federacion tin e obligacion di entrega e informa-
cion oficial di e proceso di entrenamento, resultadonan
di testnan pedagogico, competencianan di preparacion
y estado di salud di cada atleta.
Cada entrenador mester expone dilanti di e Comision
Tecnico cada detaye tecnico di e proceso di preparacion,
den e caso aki den e luna di october y november 2015.

Pa prome biaha den historia di Aruba a clasifica tres
atleta di sailing y recientemente dos landado a logra e
tempo exigi pa cu e clasificacion.
E prome deporte cu tin atletanan cu ta den e proceso
di clasificacion ainda y cu a presenta y defende nan in-
forme dilanti di e Comision Tecnico tabata e deportenan
di Landamento Sincronisa, Landamento, Tiro, BMX y
Atletismo.
Como parti di e proceso cada deporte di e pre-seleccion
p’e Weganan Olimpico ta wordo invita periodicamente
pa reuni cu Comision Tecnico y evalua conhuntamente
e progreso di e preparacionnan.

E proceso di Evaluacion Tecnico aki a duna resultadonan
positivo den e preparacion p’e Weganan CAC 2014 y e
Weganan Panamericano 2015 unda nos deporte di Alto
Rendimento a logra un salto di calidad significativo.
E Weganan Olimpico ta tuma lugar na Rio de Janeiro for
di 5 te cu 21 di augustus 2016. Aruba ta entre un total
di 206 pais cu ta participana e weganan Olimpico, cu t’e
evento deportivo mas grandi na mundo.