Page 5 - Extra
P. 5
Djamars 16 Febrüari 2016 5
ALR A HASI
HOPI PA HALSA
SIGURIDAT DEN
E EMPRESA
WILLEMSTAD.- Manera
EXTRA a relatá ayera e
desishon di Ministerio
Públiko den kaso di
Asfaltmeer of Asphalt
Lake Recovery NV (ALR)
a yega na akuerdo di un
transakshon di but di 60
mil florin.
Den e eksploshon ku
tabatin dia 13 di mart 2013
pa mas o ménos 18:15’or,
esaki a kobra bida di dos
trahadó. Ta trata aki di
Ridley Rafaela ku a fayesé
mesora na e sitio. E di dos
víktima a keda transportá
pa Medellín, Colombia. Ta
trata di Rogelio Wever ku
a fayesé un luna despues,
esta 12 aprel 2013.
Segun Ministerio
Públiko ta informá ku
for di un kòntròl ehekutá
na 2015 dor di Inspectie
Arbeid en Veiligheid
(Inspekshon di Labor i
Seguridat) i riba petishon
di Ministerio Públiko a sali
na kla ku ALR a kumpli
ku tur rekomendashon, i
tambe a hasi invershonnan
èkstra i kostoso pa halsa e
siguridat.
