Page 24 - Awe Mainta

24 AWEMainta Diasabra, 26 September 2015

Eventonan Perfecto
no ta djis tuma
lugar, nan ta wordo
planea pa Divi

ALHAMBRA Ballroom recientemente a ofrece un recepcion elegante

titula December Wonderland, demostrando Divi su excelencia culinario
den anticipacion di e temporada di fiesta benidero. Esnan invita a purba
hopi hors d›oeuvres delicioso prepara p’e ekipo culinario, mientras cu nan
a disfruta di entretenimento en bibo cu bailamento.
Na momento di nan yegada den e Alhambra Ballroom, e invitadonan a
wordo ricibi cu e musica di e virtuoso di viool Angela Flores, y kelkinan
di champaña frieu.
Despues nan a disfruta di un gran variedad di delicia prepara y sirbi pa
Chefnan Ehecutivo Gerard Coste y Anthony de Palm y nan respectivo
ekiponan di cushina, kendenan a traha hopi duro ta corta y sirbi hopi
specialidad cu a wordo sirbi como shooters, tapas y plato chikito.

Bishitantenan a wordo ricibi na un manera caluroso dor di henter e Ekipo
Ehecutivo di Divi, incluyendo Director Gerente Alex Nieuwmeyer, Director
di Benta di Bankete y Evento, Inge Van Roon y Gerente Generalnan Gerrit
Griffith, como tambe hopi otro cu ta traha p’e cinco propiedadnan di Divi
riba e isla, esta Divi Aruba All Inclusive, Tamarijn Aruba All Inclusive,
Divi Village Golf & Beach Resort, Divi Dutch Village y Divi Aruba Phoenix
Beach Resort.

Den e palabranan di Director Gerente Alex Nieuwmeyer: “Divi ta ofrece un
gran variedad di sitio pa tene fiesta of evento, y e ekipo di Bankete y Evento
di Divi ta cla pa cualker reto, prepara pa organisa fiestanan fabuloso di
fin di aña segun bo necesidadnan, den colaboracion cu nan companianan
partner cu ta participa den hopi manera.
Aki por mira e fiesta fabuloso cu a tuma lugar na Alhambra Ballroom.