Page 29 - AVP

Mervin Wyatt-Ras (AVP): Oposicion Y Presidente Di

Parlamento A Haci Politikeria Cu E Raport “Bo Aruba”

 Featured

 Politica
- 05/03/2020

Recientemente tabatin un reunion publico tocante e raport titula “Bo Aruba”, a base di
investigacion di Algemene Rekenkamer Aruba (ARA) pa loke ta trata proyectonan di
Aruba. Durante e reunion esnan cu ta sostene Gobierno a papia comosifiera Gobierno
anterior no tabatin control y cu no tabatin bista riba e proyectonan. A haci manera no
tabatin project-dossiers.

Un hilaridad y Mervin Wyatt-Ras no por kere cu na Aruba e diferente departamentonan
cu ta traha riba e proyectonan, manera p.e. DOW, cu ta traha hopi structura, no tabatin
project-dossiers.

Ta trata di un cantidad di proyecto manera: Revitalisacion di Oranjestad (25 proyecto),
Revitalisacion di San Nicolas (9 proyecto), Hospital (2 proyecto), Infrastructura (74
proyecto), edificionan di Gobierno (32 proyecto), skolnan (29 proyecto), trabou den bario
(36 proyecto), Liniar Park y Mehoracion y Embeyecimento di nos beachnan (16
proyecto), Viviendanan (10 proyecto) y otro proyectonan (8 proyecto).

Un cantidad di 241 proyecto cu Gobierno di Mike Eman a entama pa nos pueblo.
Proyectonan cu bo ta mira y mishi cu nan, bo ta gosa di nan y ta haya un facilidad eynan.

Oposicion ta haci comosifuera tur cos a bay malo y cu esaki a costa nos pais asina hopi
placa cu p’esey nos ta den debe. Gobierno kier insinua cu ta pa via di e proyectonan ey ta
bin cu yen di heffingen, crisisheffing, BBO a subi, reforma fiscal etc.

Sinembargo esaki no ta cuadra cu realidad. Nos hendenan no por ni cumpranan
productonan den supermarket pa nan come pasobra tur cos a bira mas caro. En cambio e
proyectonan aki tabata pa nos pueblo.