Page 31 - AVP

Ta importante pues cu Parlamtarionan ta lesa tur raport y no un raport so. E raport cu ta
trata Evaluacion di PPP a drenta Parlamento na november 2019. Ta straño dicon no a
pone e raport aki tambe riba agenda pa trata.

Segun Wyatt-Ras, e Presidente di Parlamento tambe ta fout, e mester sa mihor. E ta trata
e raport cu nan por haci politikeria cun’e. Esaki no ta refleha seriedad di un Presidente di
Parlamento. Fraccion di AVP lo keda mustra riba hechonan ora cosnan no ta cuadra cu
realidad. Pasobra pueblo sa.

Pueblo ta mira, pueblo ta sinti cu e proyectonan di PPP a beneficia nos pueblo. Tampoco
no ta husto pa bisa cu ta pa via di Gobierno di AVP ta tuma medida, pasobra pueblo por
mira cu e Gobierno aki ta saca placa fo’i cartera di nos pueblo p’e por beneficia su famia,
amigo, bisiña y hasta byside. Tur ta wordo beneficia y nos pueblo tin cu sufri.