Page 32 - AVP
P. 32
MINISTER BIKKER A ANUNCIA
VISA PA VENEZOLANONAN
DRENTA ARUBA
5 March, 2020, 5:02 pm
460
Awe mainta Minister mr. Andin Bikker a anuncia cu, den cuadro di e ley di VISA di
Reino Hulandes, a logra pa introduci VISA pa tur Venezolano cu kier drenta Aruba. Ta
haciendo cambio tambe den nos “Legesbesluit” pa un formula estilo ESTA tambe pa
Venezolanonan. Esaki a causa toch bastante pregunta, specialmente di Venezolanonan
residencia na Aruba, cu permiso, puntrando si nan tambe mester VISA of ESTA ora di
biaha.
E mandatario a confirma cu Venezolanonan bibando of trahando na Aruba lo NO mester
un VISA. El a aclaria cu un VISA of ESTA ta basa riba un estadia cortico “Kortverblijf”,
dus un permiso pa por biaha como turista. Ora Bo ta un Venezolano cu permiso di estadia
y/of trabou na Aruba, ta duna Bo e derecho pa por keda pa periodonan mas largo riba nos
isla y como tal no ta necesario un VISA.
