Page 67 - MINISTER ALEX SCHWENGLE - APRIL 8,2015
P. 67

recaudando fondo danki na scolnan y hendenan cu a yudanan.
 Fin di siman a subi caya y parti cuminda na esnan cu no tin. E aña aki nan no a participa na
 campamento. Antes Cruz Cora tabata participa den campamento y a constata cu nan ta haci demasiado
 trabou den un tempo asina cortico. Tabata belast nan voluntarionan demasiado y a escohe pa e parti
 social. Desde siman pasa diadomingo ta straight riba e parti social yudando caminda tin mester. Na Rode
 Kruis tambe tin hende ta keda den shelter y mester hende pa keda interno tambe. E voluntario mester di
 su espacio tambe pa famia. Pesey no tabata tin asistencia na beach pero indirectamente nan tabata tey
 para 24/7 pa sali si mester. Nan no a haya yamada pa asistencia. Desde aña pasa Rode Kruis a ripara cu e
 interes pa duna e servicio como Rode Kruis a baha den e area di campamento. Sigur den e areanan unda
 Rode Kruis tey tin menos campamento. Nan tin miembro pero den e caso aki hopi voluntario a escohe pa
 bai sosega of bai vakantie den e temporada di siman santo. Nan ta basta activo segun Marieta Wanopa e
 comandante di Cruz Cora. E camping di mucha tambe ta kita tempo pero nan ta prefera esaki. E ta un
 Camp cu alegria y siña e muchanan yuda nan mes y yuda nan famia. E muchanan mester ta prepara pa
 ora algo pasa. E mesun les ta wordo duna y asina mes muchanan kier ripiti.

http://www.24ora.com/local-mainmenu-5/93831-cruz-cora-a-hinca-nan-tempo-pa-trabounan-social-y-
no-a-bai-standby-rond-di-campamento

 Preparacion andando pa pone prome piedra pa edificio nobo
 di Cruz Cora den luna d Mei

  Tuesday, 07 April 2015 20:48
  Comparti

 Rode Kruis lo bai tin un actividad cu ta un wandelmars. Aki grandi y chikito ta bon bini. Hopi reaccion ta
 drentando caba pa e evento aki. Michel La Haye cu ta director di Rode Kruis Aruba durante e occasion a
 splica cu nan tin un periodo hopi druk tras di lomba.
 Awor ya caba nan tin mas actividad. Un accion grandi cu actividadnan deportivo nan lo bai tin tambe.
 Nan tin tras di lomba actividad di mucha tambe. Michel La Haye a splica cu den e proyecto di feria social
 tin atrobe e camping. Como director el a splica cu e base ta loke ta wordo guia e hobennan pa nan ta bon
 prepara. Ainda den un forma bunita ta siña e muchanan con nan mester ta prepara. Mester mira bon ora
 algo presenta con pa atende cu bo mes y den bo alrededor. E muchanan ta bin contento bek despues di e
 evento aki. E muchanan ta haya cuminda y cos di bebe hunto cu full e programa. 20 voluntario ta tira
 bista pa nada robez sosode. E meta ta pa yuda 1000 mucha den un temporada di dos aña y tin nan
 prepara segun e director. Michel La Haye a splica cu nan ta trahando tambe riba e edificio nobo. Nan
 mester di e localidad aki. Nan mester di mas espacio. E espacio aki ta loke nan ta trahando riba dje. Un
 proyecto asina ta costa 500 mil florin y nan a spaar pa esaki. Fin di anja nan ta keda cla. A aparta e placa
 poco poco pa keda cla cune. Di 8 di Mei lo tin e prome piedra pa e edificio nobo di Cruz Cora.
   62   63   64   65   66   67   68   69   70   71   72