Page 69 - MINISTER ALEX SCHWENGLE - APRIL 8,2015

uzo di azeta bieu por causa cancer di tripa, pues come hopi cuminda hasa ta peligroso, pero tambe come
demasiado BBQ ta aumenta e chensnan pa un persona haya cancer di tripa, e minister a agrega.

Minister Schwengle a subraya cu mester tene cuenta tambe, ademas di e elementonan cu ta afecta e
curpa y causa cancer, cu micro organismonan cu por haci e persona malo. Aki e procesamento di
cuminda na un forma responsabel ta esencial, por ehempel e limpieza den e cushina mes y con ta
maneha e produccion y cushinamento.

E persona encarga cu e procesamento tambe mester mantene reglanan estricto di higiene pa su mes.
Laba man frecuentemente, laba man despues di uza baño y haci su control nan pa cu e “carchi berde” tur
aña pasobra den of riba su curpa tambe por tin micro organismonan cu ta causa enfermedad no cerca
dje, pero cerca otro persona cu come e cuminda cu el a prepara.

Ora haci e testnan pa e “carchi berde” hopi aspecto ta wordo controla pa e presencia di micro
organismonan pa cual e persona por ta un portador y por forma un peliger pa comunidad.

Ora Hygienische Dienst controla un establecimento, nan ta wak e totalidad di e siguridad, segun Minister
Schwengle ta splica. Aki ta unda tambe e colaboracion di parti di instancianan manera Brandweer ta bin
aden, pa asina check e siguridad total pa e cliente.

Finalmente Minister Schwengle a pone enfasis riba e hecho cu den hopi caso esun cu ta carga e micro
organismonan dañino mes no ta bira malo, pero por causa otro persona pa bira malo of haya un mal
reaccion. Aki e forma di prepara cuminda y e conocemento pa cu preparacion di cuminda ta esencial.

Concluyendo, Minister Dr. Alex Schwengle a subraya cu como Gobierno lo sigui haci tur esfuerzo pa,
hunto cu departamentonan y instancianan concerni, pa por garantiza comunidad por confia ora nan come
alimentacion of consumi bebida na cualkier lugar publico. E ta un garantia cu por duna solamente si
comunidad tambe hunga su rol di ta critico y di demanda servicio y productonan di calidad halto so for di
restaurant, barnan, supermercadonan of cualkier negoshi cu ta bende cuminda of bebida.

http://masnoticia.com/food-safety-ta-un-topico-hopi-actual-y-importante/
http://masnoticia.com/enfoke-ta-riba-food-safety-uzando-e-5-yabinan/

Dokternan di cas a sigui curso “Promedico”

· Apr 7th, 2015
· Local

Recientemente ITP Caribbean hunto cu HAVA (Asociacion di Dokternan di Cas di Aruba) y AZV a facilita
un curso tocante e forma di documenta dato di pashent den e programa electronico “Promedico”. E curso
aki tabata tin su enfoke riba e miho formanan cu tin pa registra, haci anotacion y warda informacion di
pashent den e programa “Promedico”.

Inicio
Pa algun aña caba, e dokternan di cas tin y ta traha cu e programa automatisa yama “Promedico”.